杜汶澤:「遇到不公平事 我一定還拖」 座駕被撞與司機「開年」

0 83
昨日,銅鑼灣街頭就有杜汶澤與司機「開年」,皆因杜汶澤在銅鑼灣駕車時,座駕被撞。意外發生後,兩位司機都落車爭議,期間更互相爆粗對罵,事件除驚動警方處理外,亦惹來不少路人圍觀!

撰文:東方新地|圖片來源:杜汶澤 fb專頁

杜汶澤銅鑼灣與司機「開年」

杜汶澤在Facebook發文論及事件:「依家啲人真係好痴線,我正線你副線cut埋嚟車頭hi到我架車尾,我啱曬都唔使你賠,咁小事,都要落車嘈,又要報警又剩!」。同時抱怨事件阻塞交通:「好嘞,依家等差人嘞!塞曬人哋成條路,為乜呢!」

及後,杜汶澤再發另一則帖文,重申自己是被人撞到座駕,並且指出「有好(多)人都會認為,一個藝人,如果遇到不公平事,但為咗怕比人講,就要忍氣吞聲。呢啲係咩邏輯?」,坦言「我從來都唔會。我一定還拖。」,字裡行間可見其敢言一面!

最近結婚的蕭潤邦和江若琳見狀亦有留言,指香港的馬路上有不少自私的司機。同時,事件亦引來不少網民回響!

有網友分享自己在香港駕車的辛酸,亦有人指杜汶澤態度正確!唔知大家又有沒有試過發生或遇過以上情況?

延伸閱讀:

黃心美尋回失散廿幾年表哥 全靠杜汶澤「吹雞」相助

藝人黃心美日前喺Facebook寫下一篇「尋找表哥的故事」,原來佢同表哥失去聯絡已經廿幾年,已經七十幾歲的心美爸爸一直好想搵番對方,所以心美喺有限的資料下,用盡自己的網絡尋親。不過佢只知道表哥曾就讀男拔(拔萃男書院),訊息少之又少。

黃心美
黃心美表示爸爸好希望搵番表哥。

黃心美

全靠杜汶澤「吹雞」相助

呢個時候,心美得知藝人杜汶澤都係讀男拔,但又未至於熟到去搵對方幫手,點知阿澤不久後就主動聯絡,話已經「吹晒雞」幫手搵!最後皇天不負有心人,阿澤真係幫心美搵番表哥!心美感激阿澤之餘, 仲話我啱啱已經同表哥交換咗電話,我保證以後唔會再同佢失去聯絡。」

黃心美
今次真係多得阿澤!

人間有愛

黃心美回覆傳媒時表示,自從姑姐離世後,表哥跟隨自己爸爸生活,之後又去了外國讀書,不經不覺就失去聯絡廿幾年。心美稱爸爸已經同表哥通過電話,得知對方現時喺倫敦生活,總算了咗一個多年的心願。心美亦再次感謝阿澤,以及一班素未謀面的人相助。

心美表哥的回覆。

延伸閱讀:

港鐵早前信號故障

早前超級颱風「山竹」襲港,令到一班打工仔返工困難重重!今日,大家又再一次受到交通大考驗!因由港鐵信號故障,今晨六時港鐵宣布荃灣綫、觀塘綫以及港島綫列車服務均會延誤,結果港鐵各個車站都人頭湧湧!大約十時左右,連將軍澳綫都發生信號系統故障,港鐵即時陷入4綫齊壞嘅狀態!

杜汶澤解釋大塞車時返工原因

當然,聽到港鐵個情況咁差,大家就梗係諗定其他交通工具返工啦!大批市民就湧去搭路面交通工具,結果就引嚟路面大塞車!藝人杜汶澤就喺個人社交網上載一張大塞車相,並留言:「塞港鐵塞到上吐露港」。

杜汶澤分享自己駕車時嘅塞車情況。

7字真言神回網民

阿澤就喺網上大呻因港鐵而引致嘅塞車之苦,而一班網民又何嘗唔係同路人?大批網民紛紛留言分享苦況,其中有位網友就留言問阿澤:「你做乜返工時間返工呀?」阿澤就神回對方話:「係窮啊⋯⋯DXXH!」簡單7個字傳神交代大家心聲!

唔知阿澤嗰句有冇講中你心聲呢?
網民紛紛留言分享返工苦況。

杜汶澤良心老闆 颱風襲港宣佈員工唔使返工

颱風「山竹」襲港,一向敢言嘅杜汶澤亦有為一眾打工仔發聲,質疑「無車搭點返工呀?」,大膽指責今日唔宣佈停工嘅老細,坦言「因為決定嘅人自己有車有司機」。

良心老闆

於是,呢位咁有同理心嘅老闆杜汶澤發文表示自己公司嘅員工今日無須上班!仲講到明返工即炒!

呢個post一出,睇到唔少人隨即俾個讚呢位良心好老闆!

除有唔少人大讚阿澤外,仲留言指呢位老闆夠哂英明果斷!而且,亦有網友表示想成為阿澤公司嘅員工!

杜汶澤更為港人發聲!

其後,杜汶澤再貼出一張港鐵大圍站逼爆打工仔嘅相,並發長文分析「所謂僱主僱員自行決定上唔上班」的問題,阿澤就認為呢個方案實際上係唔可行,因為當一個僱主決定要上班,另一位僱主喺有比較之下,就會作出相同決定!

文中,阿澤仲批評特首今次冇宣布打工仔停工嘅選擇係離地,而且令普羅市民受苦。

其實,喺打風前一晚,阿澤已經認為市面未必可以即刻回復正常,並建議自己公司啲同事於今日可自行決定係咪有需要返公司!

結果,其發文就吸引咗網友們一連串激讚,大讚佢體恤員工,堅係個良心好老闆!而阿澤仲留言回覆網民:「將心比心啫,一日半日,會執咩」阿澤好嘢!

另一方面,唔少打工仔都非常認同其發文所言,直指返工需時,但市面一片混亂,若然強行返工反而會減慢全港恢復正常嘅速度!

 

杜汶澤節目爆粗狂寸林作

杜汶澤一向敢言,最近佢喺其網上節目開talk騷,並以《靚仔靚女係咪大晒》為題,同一班現場觀眾分享其睇法。阿澤就貫切其敢言作風,一開始提到「靚仔叫造型,醜男叫冇梳頭」,先引嚟現場觀眾失笑。

杜汶澤
貝依霖、盧覓雪與阿澤一齊開騷討論。
杜汶澤
在場觀眾聽到忍唔住笑咗出嚟。

點知阿澤講到「冇梳頭」時,即擺林作上枱,指名道姓寸林作,話:「林作咪叫做冇梳頭囉!X你老X我唔知嗰個嘢做乜X,成X日個頭吹到咁X亂!X!個頭九唔搭八,亂X晒籠,但佢又好想做明星。」

阿澤講到非常激動,手都不斷做哂動作,以示對方個頭有幾亂。
阿澤指名道姓,分毫唔留情面寸林作!

呢個時候,盧覓雪話林作係補習天王時,阿澤就話:「補習都OK,佢又識英文又識法律又唔X做律師,但個頭咁X樣,佢諗佢自己做到明星,我成日都諗,佢點樣諗到出嚟嘅呢?」

杜汶澤下定義

之後身旁嘅貝依霖就話:「好靚仔但唔梳頭都係好靚仔個喎。」阿澤馬上大表認同,忍唔住講:「個定義就係,同一樣做嘅嘢,擺喺靚仔同唔靚仔係兩個效果嚟嘅!」

對方隔空反擊

阿澤喺節目大肆批評林作個亂髮,當時人林作就喺個人社交網截錄片段,並留言稱自己唔係明星,「林作,係反明星。英文,叫 anti-celebrity.姐(即)係好似 Venom 相對於 Marvels 其他超級英雄咁。咁林作係咩? A phenomenon(現象)。 娛樂圈嘅 reckoning(計算)。我完全只係做自己。個頭,我冇Set過。只係用開Gatsby搞成咁。個重點係,I got your attention(我得到你的注意)。 澤哥都講我,咁我即使生成咁,仲唔係成功咩。之但係,澤哥雖然靚仔過我少少,都依然可以算生得麻麻,咁係咪大家都唔可以做明星啊?咁我親戚林雪又點計?」

林作一向以亂髮示人及見稱。
林作特登打一大段字隔空回覆阿澤!

有網友就留言撐林作,指社汶澤喺節目度提到林作,已經成功咗!亦有網友指唔介意林作外表,大讚林作內涵!

 

林作向杜汶澤下戰書

其後,林作接受傳媒訪問時表示覺得大家都係諧星類,冇樣睇,認為阿澤咁講都係為節目效果。佢仲笑言願意公開向杜汶澤「挑機」,表明願意上佢嘅網上節目同阿澤討論「何謂明星」、「何謂靚仔」等話題,實行鬥智鬥牙力!

 

 

https://www.orientalsunday.hk/category/最新娛聞/

訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱