10度帶子女外出踢波 陳茵媺呻天氣凍低調晒巨鑽

0 87
陳茵媺同陳豪結婚後減少幕前工作,專心湊小朋友,日前陳茵媺仲晨早流流帶小朋友出去踢波,天氣咁凍都可以起到身,真係不得不佩服媽媽嘅能力!

撰文:KK(原文刊於sunday kiss)| 編輯:東方新地|圖片來源:Instagram|

陳茵媺 晒巨鑽

日前天氣非常寒冷,陳茵媺就一早帶住小朋友去踢波,之後仲喺社交網站上分享自拍照,留言話自己雖然著晒羽絨戴晒帽,但依然覺得好凍,就連手指都凍到僵硬埋。

在 Instagram 查看這則貼文

 

Aimee Chan(@aimeechan_official)分享的貼文 張貼

有眼利嘅網友就發現,依張自拍照上面,陳茵媺手上戴住2隻鑽戒,其中一隻仲有好大粒鑽石,搞笑地話陳茵媺凍親事小,低調曬鑽戒先係真。

陳茵媺一家五口過熱辣辣聖誕

陳豪拍攝完新劇《殺手》後,趁著聖誕假期,帶著老婆仔女飛往澳洲過聖誕。陳茵媺喺社交網晒出同老公合照,興奮留言終於等到同老公一齊度假:「Enjoying Balmoral beach with the family.  Finally @moses_chan_ can travel with us! Yeah!」

陳茵媺一家五口溫馨合照

昨日,陳茵媺再晒出一家五口著住家庭裝嘅合照,夠晒應節。

未到boxing day大仔Aiden同二仔Nathan已經迫不及待拆禮物。而囡囡Camilla就戴著一身公主飾物,自己一個坐埋一邊密密拆糖食。

 

悉尼當地正值夏季,唔少人聖誕去避暑都必去陽光與海灘。不過,陳茵媺一家就專程去搵聖誕老人合照。佢哋著住短衫短褲留影,陳豪仲興奮舉擺V字手勢,睇嚟呢個假期一家都玩得好盡興!

陳豪台灣開工 陳茵媺一拖四探班遊動物園

早前,陳豪為《殺手》去台灣拍外景三個星期,呢個廿四孝老竇專程抽空返港同三個仔女慶祝萬聖節,然後急急腳又再飛台灣開工。

老公開工,廿四孝人妻陳茵媺自然就要肩負起湊仔的責任。早前,陳茵媺今次一拖四,除咗帶著三個寶貝仔女外,仲帶同奶奶同行飛往當地探老公班。

陳茵媺到達台灣後,問粉絲有乜好去處同提議?「In Taiwan… Any suggestions where to go?」

陳茵媺將照片分享至社交平台,留言︰「Taiwan with the 3 munchkins and my mother in law since moses_chan_ is filming there! 📸(自陳豪在這裏拍攝,我就和3個小矮人及奶奶在台灣)」仲單拖帶他們到處遊覽,在市區內逛街,仲去埋動物園玩。

隨後,佢上載咗去動物園遊玩嘅相,三個小朋友似乎玩得好開心,奶奶亦都笑容滿臉!

要孭起一個五口之家,陳豪真係忙到冇時停,之前暑假都冇時間陪老婆仔女,陳茵媺只好一個帶住3個細路返加拿大!不過陳豪都好積極爭取時間做個好老公,同好爸爸,好似當日陳茵媺幾仔乸返嚟香港,佢不但親自去接機,仲要逐個啜番啖,睇佢咁肉緊,就知佢真係好掛住妻兒!

 

 

https://www.orientalsunday.hk/category/最新娛聞/

訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱