陳柏宇老婆:「我扮唔到大方!」 嬲爆凌晨出post發洩

0 11
歌手陳柏宇自從舊年榮升做爸爸之後,就同女女形影不離。不過,呢日得返佢老婆符曉薇(Leanne)係屋企時竟然發生一大難題,而且仲有其他問題同時發生,搞到Leanne忍唔住要係凌晨4點幾出Post發洩!

原文:sundayiss-Kammy | 圖片來源:Instagram|編輯:東方新地

遇上一大難題

陳柏宇同太太Leanne自去年榮升做爸爸媽媽之後,經常都晒愛女Abigail嘅相到社交網站,不少網民都大讚女女可愛。呢日,Leanne就凌晨4點幾發貼文,指自己遇到條難題:「1)個囡(女)扭眼訓要抱住訓(瞓),訓左(咗)放返(番)落床又喊,一定要抱,尿都要你抱住去痾(屙),放都無(冇)得放;2)Bessie同V打架;3)seven又打亞V,所有野同時發生你會點做?」

陳柏宇
陳柏宇愛女Abigail

遇上寵物打架,仲要係貓(Seven)狗(V、Bessie)混戰都咪話唔頭痛,加上Leanne要抱住女女Abigail,見到呢個情況都好傷腦筋。Leanne就話當時佢就先放低個女由佢喊,再一手分開三隻寵物,然後睇完各位嘅傷口,再消毒傷口。

狗仔阿V
貓貓Seven

不過,點知Bessie畀阿V咬傷耳仔,阿V就畀Seven打pat pat,仲打到開花咁流血,「痛到立即屙屎」。Leanne係執屎嘅同時再將Bessie 同seven 捉入房冷靜下,形容「經過一個精彩嘅晚上」。

Bessie

相信好多人都會問,咁陳柏宇去咗邊?原來Leanne見老公好耐冇放過假,所以放人畀佢出去玩,點知老公一唔喺屋企就要經歷「驚心動魄嘅晚上」,最後仲話「扮大方唔到,打咗過去(陳柏宇)發洩」。不過,其實真係要畀個「叻」Leanne,因為唔係人人都可以處理到呢個咁混亂嘅場面!

陳柏宇同愛貓Seven

Leanne夜麻麻都打一篇長文敍述成晚嘅經過,全晚情況都形容得相當仔細,睇嚟Leanne真係激到好嬲呀!

Leanne凌晨4點幾出Post發洩
阿V畀Seven打pat pat,仲打到開花!

延伸閱讀:

符曉薇自爆產後連升8個cup

話咁快,陳柏宇同符曉薇嘅寶貝女Abigail已經兩個月大,因為Leanne係餵全人奶,所以身型都出現咗變化,上圍狂升8個cup,去到JJ cup,仲笑言依家好討厭自己個胸!

陳柏宇老婆符曉薇
Leanne表示自己個胸去到JJ cup!

相信好多人都唔知有JJ cup,連Leanne話唔知!皆因Leanne最近去買bra,個sales先畀個I cup佢試,點知都着唔落,原來已經升到去JJ,連個sales都話好誇張!

據知,Leanne之前係C cup,而家升到JJ自己都睇唔慣,不過後來聽到其他媽咪講收咗奶後就會自然縮番細 ,咁先接受到呢件事!

另外,Leanne透露因為個女早產,  所以好難湊,成日都喊又餐餐嘔,依家每兩個鐘頭就要餵一次奶,完全冇時間抖,睇嚟做人媽咪真係唔易呀!

帶個半月囡囡去做Gym即被「報復」  陳柏宇:「怪唔知咁熱啦!」

愛女心切的Jason平日一收工就黐實囡囡Abigail,似乎呢位新手爸爸仲未學識放手,仲變本加厲。自從囡囡出世後,Jason日日返工盼收工湊女。早前開演唱會亦自爆:「依家我肥咗,生咗個女之後,少咗做gym嘅動力,成日都好想求其舉幾下就返屋企」

已經久未見做gym嘅Jason,近日終於肯出門運動。不過,竟然出去gym都要抱埋Abigail一齊去。Leanne喺社交網上載咗一張相,相中只見Jason旁若無人咁抱住囡囡置身健身室,完全忽略身邊做緊gym嘅肌肉男,對住囡囡又抱又錫,簡直在佢「眼中只有女」!

即「瀨屎上身」 陳柏宇:「怪唔知咁熱啦!」

不過之後Leanne再上載一段短片,片中Jason唔再係掛住抱女,而一邊笑一邊不停開口大叫老婆。原來係因為Abigail瀨咗「便便」落佢身上。片中見Jason好驚訝咁話:「唔怪之得咁熱啦」。奶爸上身嘅Jason就不停嗌老婆快啲幫手去攞尿片。有網友表示,睇嚟係囡囡唔鍾意睇「肌肉叔叔」,返屋企即「報復」爸爸。

睇見Abi隻腳仔,就知道釋放完即刻舒服晒啦!

陳柏宇囡囡憤世嫉俗樣影證件相

自從今年9月陳柏宇囡囡出世後,Jason就有女萬事足,不時都喺個人社交網大晒B女Abigail嘅生活相。早幾日前,呢位新手老竇就帶咗呀女去打針,仲痛埋呀女個份,Jason真心體會到心頭肉嘅意思!

日前,Jason兩公婆就帶住Abigail去影人生第一次嘅證件相。平日喺老竇鏡頭下表情多多嘅Abigail今次影證件相就俾足驚喜父母,皆因張證件相見到佢喞都唔笑咁,連媽咪Leanne都話:「點知佢整個憤世嫉俗樣出黎」,認真搞笑!

雖然話媽咪對於呀女呢個不滿樣有啲投訴,但其實如果真係咁唔鐘意都可以同呀女再去影過嘅,咁就唔洗擔心呢個憤世嫉俗樣要用喺passport度5年啦!

陳柏宇正式宣布囡囡中文名

陳柏宇於呀女嘅個人社交網公布囡囡Abigail有中文名啦!Jason就上載出世紙上面寫有「羿辰」兩個字嘅相,並留言:「i now officially have a chinese name!!(我依家正式有中文名啦!)」

據了解,Jason太太符曉薇(Leanne)就透露呀女個名係搵師傅改,指師傅計過囡囡個八字,覺得佢重金,Leanne就覺得「羿辰」呢個名好靚,所以就揀咗呢個名。

 

 

https://www.orientalsunday.hk/category/最新娛聞/

訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱