14歲細女黐身攬實 Fit爆彭羚放真‧林狗

0 15
林家有女初長成,除咗18歲省鏡星味濃大女林泳,仲有眨吓眼已經亭亭玉立高過媽媽彭羚、更同爸爸林海峰餅印一樣嘅14歲細女林清。

大女林泳今年即將被父母送去英國留學,朋友多多又係學校風頭躉女大女世界,有自己社交圈,好彩細女林清依然黐身,日前就陪媽媽帶埋狗狗去數碼港放 狗呼吸吓新鮮空氣。兩母女攬到實感情要好,林家隻寶貝狗簡稱「林狗」亦都在草地狂奔如魚得水,畫面好有愛!

撰文:東方新地 圖片:新傳媒圖片

彭羚14歲細女好黐身

二十年前結婚後,彭羚即退居幕後成副心機放在家庭,湊住兩個女做林海 峰背後女人。時光飛逝,大女林泳今年18歲,離港留學在即,細女林清亦都已 經高過媽媽毋須父母操心,慳番大把時間精力的彭羚多咗時間同另一半林海峰 拍拖睇戲二人世界,又養埋番狗,既可以滿足吓澎湃母愛,對兩個女更是一份愛同責任感的最佳教育。香港地養寵物,個個都老奉將鏟屎放狗責任交畀外傭,林太最佳示範,就係自己狗自己放,樣樣帶埋個女親力親為。

彭羚
有傳大女林泳星味濃被各大娛樂公司吼實,家陣林家二女又長成,14歲林清日前陪彭羚放狗,身高 超越媽媽,樣貌仲同爸爸一個餅印。
忙足幾個月為一月上演的舞台劇《短暫的婚姻》綵排 及演出,林海峰雖然不在場,不過DNA太強,招牌哨牙笑容完全在林清臉上看得到!

稱職母女鏟屎官為演出舞台劇《短暫的婚姻》,男主角林海峰忙足一個月,彭羚晚晚在後台 打點一切,親子時間都唔會減少。日前彭羚和細女由司機載往數碼港狗公 園,「林狗」由彭羚拖實、林清殿後,一落車先來大解放,放低幾両黃金。耐心等完狗狗辦事的彭羚嗱嗱聲取出自備好的膠袋,親自蹲下身執乾淨黃金再封實 膠袋掉入垃圾桶內,而囡囡及狗狗則急不及待先行一步飛奔去草地玩耍。

彭羚
養寵物點止玩吓抱吓咁簡單!彭羚在女兒面前做出最佳示範,放狗準備好膠袋仔,隨時執好黃金,保持狗公園乾淨清潔。

 

媽媽執屎女沖尿,兩母女都係負責任狗主,「林狗」在草地小便完,林清就用一早準備好的清水沖乾淨現場。
全程放足一個鐘狗,「林狗」同其他狗隻盡情追逐,彭羚就追住「林狗」狂留倩影,然 後疑似即時傳送畀另一半及大女分享。林清睇住愛犬玩得開心,自己更開心。本來已經同爸爸一個餅印,開懷笑容更有林海峰神髓,一睇就知錫到「林狗」燶。雖然已經14歲女,林清依然愛黐媽媽,不時從後箍住媽媽抱到實,轉個頭又輪到彭羚忘形,環腰攬實個寶貝女。都話無論幾多歲生得幾高大,仔女喺媽媽心目中永遠都係小朋友!

大女林泳愈大愈少見傍住父母左近,好在仲有黐身林清,兩母女睇住狗狗玩得開心,林清不自覺攬實媽媽一齊笑開懷。
彭羚
囡囡黐身,呢個媽媽一樣愛黐個女,轉個頭,輪到彭羚環腰攬實個女,14歲林清已經高過媽媽。
愛犬玩得開心、識咗新朋友,自己笑得更開懷,各位狗主貓主見到兩母女呢個笑容,一定似曾相識。
彭羚
彭羚面上關注同笑容,錫「林狗」不少於兩個親生女。
跑夠玩夠放晒電,林清召喚愛犬返歸,再情不自禁當「林狗」BB一樣抱上手。
彭羚
帶狗玩足一個鐘終於踏上歸途,兩母女好朋友一樣邊行邊密密斟,林清手長腳長,彭羚亦都fit到爆,一啲唔似生過兩件、今個月就滿50歲!

延伸閱讀:

送女出國阻入行 林海峰、彭羚悠閒拍拖

基因強、後台硬、成行都係Auntie、Uncle,眼見近年林海峰、邱淑貞、陳奕迅愛女初長成個個亭亭玉立,大公司紛紛吼實想簽入門,不過星爸星媽個個態度保守,尤其林海峰!去年17歲林泳被兩家公司同時睇中力爭,林海峰極力反對愛女入行又認為學業為先,據知今年索性送林泳出國升學。大女離家一身輕,兩公婆樂得清靜,即時有閒情逸致拍吓拖!

撰文:東方新地|圖片:新傳媒圖片庫、林海峰FB

林海峰
結婚廿年恩愛如昔,日前林海峰陪彭羚到大坑買人氣法式甜點,一見老婆即體貼伸手搶拎紙袋。

結婚廿年、婚後即放棄如日中天事業,為林海峰生下兩個女林泳、林清專心湊女,彭羚十多年來悉心栽培養育、去到邊都帶埋兩個女喺身邊,早前難得見同老公林海峰兩個拍拖出巡,便服素顏去到大坑法式糕點名店買甜點外賣回家慢慢歎。今年二月剛滿49歲,彭羚卻皮光肉滑一點也不像將近半百,就算不施脂粉一樣信心十足心情靚靚,買完大袋包點面帶笑容站在店外四處張望,正好等到林海峰泊好車行到迎接。一見老婆,Jan立即伸手接過手中紙袋,錫老婆錫到出面!

林海峰
一見老婆,林海峰習慣成自然伸手幫老婆拎袋,發現鏡頭後,亦都唔介意兩公婆拍拖齊齊上鏡,更提彭羚望鏡笑。
林海峰
有得拍拖,係因為林海峰終於送咗大女林泳出國升學,唔使再應酬各大唱片、電影公司游說簽女入行。
彭羚 林海峰
49歲彭羚不施脂粉、一身便服出巡,不過皮光肉滑心情又靚靚,埋單畀錢離開時笑容滿面神色輕鬆。
彭羚 林海峰
該大坑名店有法籍糕點師駐店主理,最出名係法式雪糕同朱古力酥及草莓撻,彭羚當日有食慾又有興致,淨係包同撻都掃咗成二百元。

愈大愈靚

終於有得二人世界,係因為大女離家升學、二女林清亦都已經十三歲唔黐身。18歲林泳在名校女拔讀完初中,林海峰與老婆意見一致,希望女兒少點壓力多向發展,所以兩年前為女兒轉校到漢基國際學校繼續學業。眨吓眼高中畢業,本來都唔捨得送女出國,去年卻因為有傳聞指林泳身形高䠷、五官清秀,是游泳溜冰健將又遺傳媽媽基因好唱得,所以被多間大型娛樂公司游說接洽入行。

林海峰
終於捱到女大女世界,彭羚明顯甚為享受同老公林海峰二人世界,由步出餅店到向記者道別到撻車離開,一直都忍不住甜笑。

林海峰
離開樂壇19年,彭羚除了畀面Wyman唱過一次作品展咁大把,以及為母校開過一次金口,據悉堅持不復出亦是因為聽晒老公林海峰話。
林泳 林海峰
二千年情人節出世,林泳10歲時跟住媽媽拖妹妹林清去女拔開學,大方又得體。
林泳 林海峰
早年陪媽媽入場看演唱會,林泳眉清目秀,不過就因為箍緊牙見到鏡頭好怕醜。

廿年前堅持讓彭羚退出樂壇專心湊女、十八年後林海峰同樣反對愛女入行做藝人,所以一邊廂婉拒游說,另一邊廂就鋪路送女出國升學。其實學業固然重要,不過林氏姊弟三個都係娛樂圈中人、林珊珊兩個女都入埋行,送出國相信只係權宜之計。

林泳 林海峰
進入青春期後,林泳身高已經拍得住媽媽,眼大又腳長已經開始有仙氣。
林泳 林海峰
去年盛傳兩家娛樂公司紛紛出手爭簽林泳入行,網上流出林泳學校泳衣相亦可見林家長女初長成,果然氣質、外貌都有台型又有星味。

省鏡星二代

其實除咗林泳,仲有邱淑貞大女沈月、任達華愛女任晴佳同Eason獨女康堤亦愈大愈靚,不過就唔係個個好似林海峰咁極端,反對入行反到要送個女出國。

沈月 林海峰
15歲沈月同媽媽一個餅印,分別在於更青春更有仙氣,父母對其入行不算十分抗拒,去年更為慈善首拍聯合國兒童基金會廣告。
康堤 林海峰
13歲康堤就遺傳父母氣質,少女味重得嚟有型又有性格,由細到大見慣鏡頭,次次跟住媽媽出鏡都自然又淡定。
任晴佳 林海峰
任達華、琦琦愛女任晴佳,五官標緻得嚟,13歲人仔已經超長腿、170cm高就快拍得住超模媽媽,最近亦都第一次玩票性質參與拍攝時尚照,表現超班。
訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱