回顧61歲恬妞年輕風韻魅力相 青春無敵卜卜脆!

0 51
上次同大家睇咁洪金寶,今次搵嚟賀歲片《如珠如寶》另一老戲骨恬妞年輕貌美嘅靚相, 發現現年61歲嘅恬妞姐唔單止冇乜走樣,仲散發風韻猶存魅力同誘惑遐想!

撰文:東方新地|圖片:東方新地

回顧61歲恬妞年輕風韻魅力相

|74年 唇紅齒又白

74年16歲嘅恬妞青春無敵卜卜脆,而且唇紅齒白一副美人胚子,呢 年由台灣到香港邵氏探影星姐姐恬妮時,更獲邀客串演出《 早婚 》。

|75年 單車美少女

17歲嘅恬妞75年初替香港某電影刊物影 咗輯相,牛仔褸配牛仔短裙仔,踩住架七十年代最流行嘅迷你單車,展現無限青春活力。

|77年 Baby Fat 黃蓉

77年張徹開拍電影版《 射鵰英雄傳 》搵嚟恬妞演黃蓉,成為首位彩色大銀幕版黃蓉,恬妞演得古靈精怪、活潑任性,加上Baby fat可愛 到極,同演郭靖嘅已故武打紅星傅聲相當合襯。

|77年 搞笑海棠睡

恬妞拍緊《 射鵰英雄傳 》時,順道為邵氏官方刊物影靚相,擺咗個海棠春睡姿勢,但托頭嘅唔係用左手,右手 好似用拳頭打自己個魂精咁,動作好搞笑。

|78年 成雙料影后

恬妞77年同秦漢合演台灣電影《 蒂蒂日記 》,演一個要面對愛情、親情、友情等問題 嘅女大學生,憑出色演出勇奪 78年《第15屆金馬獎》同巴拿馬《 第16屆國際影展 》「 最佳女主角 」,20歲就成雙料影后。

|89年 變東方夢露

89年恬妞應國際成人雜誌中文版拍 寫真,由於佢面上有粒痣,於是以「 性感女神 」瑪麗蓮夢露造型示人,仲重演佢喺 電影《 七年之癢 》用手撳住畀風吹起白色長裙嘅超經典畫面,熱力性感沒法掩。

呢張恬妞只用白被遮掩雪白身軀,仲用口 咬住張被,sexy誘人到痺。

|89年 萬梓良相戀

恬妞同萬梓良喺88年合作拍電影《 大頭仔 》時認識,89年兩人拍無綫劇集《他來自江湖》朝夕相對下擦出愛火花,出席宣傳活動攬身攬勢煙韌甜蜜。

|92年 結婚搞直播

92年3月8日萬梓良同恬妞喺無綫清水灣電視城舉行世紀婚禮,恬妞同前夫生嘅6歲女朱曉彤亦有出席,伴郎 伴娘由周星馳同梅小惠擔任,邵逸夫爵士更為一對新人證婚,無綫製作成節目《 萬紫千紅喜迎親 》直播整個婚宴,哄動全城。

|13年 不老美人兒

呢張攝於2013年嘅相,55歲 嘅恬妞唔單止冇乜老過睇落似三十幾歲,仲散發風韻猶存嘅魅力,係台灣藝壇長青樹之一。

延伸閱讀:

回顧67歲洪金寶早期後生相

|58年 入京劇學院

58 年洪金寶(右一)6歲被送入由于占元(于素秋爸爸)創辦嘅「中國戲劇學院」,取名元龍學習京劇、武術、打觔斗等技藝,自大師兄元庭(左一)出走,排第三嘅佢成為大師兄,眾師兄弟妹喺香港影壇發光發亮貢獻巨大。

洪金寶

|61年 9歲做童星

洪金寶早喺9歲時就以藝名朱元龍做童星,處男電影係同曾江妹妹林翠合作嘅國語片《愛的教育》,演乖巧但內向嘅小學生,經常眼泛淚光演得動人,片中仲有大師兄元庭合演。

洪金寶

|73年 對戰李小龍

洪金寶曾自爆因言語誤會同李小龍切磋,隻腳起到一半,對方隻腳已印喺三毛塊面度,兩人不打不相識, 年李小龍在荷李活電影《龍爭虎鬥》搵洪金寶合演一場別開生面嘅MMA式對打成經典。

|82年 《提防小手》攞影帝

82年洪金寶自導自演 《提防小手》,同陳勳 奇、劉克宣(右)三師徒以偷竊為生,比杜琪峯08年《文雀》 早 26年展示扒手偷錢招數,而洪金 寶更憑電影奪第二屆香 港電影金像獎「最佳男主角」,首奪影帝殊榮。

 |83年 罕著踢死兔

洪金寶衣著一向都好平民化,呢次罕有咁煲 呔踢死兔上陣,加埋手戴金鏈金錶同燦爛笑容,極具紳士型男魅力。

 |83年 前妻誕獨女

83年洪金寶首任韓籍妻子曹恩玉(左一) 誕下女兒洪煦榆,令已經有洪天明、洪天祥、 洪天照三個仔嘅洪金寶如願追到個女, 月為孻女煦榆擺滿月酒。

 |83年 師兄弟合體

83年「七小福」之一嘅洪金寶、成龍、元彪三師兄弟終於喺由成龍執導嘅 《 計劃 》首次合體演出並大獲成功,之後呢個鐵三角一齊拍咗《快餐車》、《福星高照》、《夏日福星》 同《飛龍猛將》,套套票房大賣。 

 |84年 至深情眼神

被喻為「地球上最靈活肥人」嘅洪金寶,呢張攝於84年嘅相,三毛呢個凝望眼神,好似啲文藝電影深情男主角,相信好多女fans都想向佢懷抱撲。

 

 |85年 突破演智障

銀幕上勇猛好打得嘅洪金寶,85 年喺溫情 + 動作電影《 龍的心 》作新嘗試演智障人士,片中成龍為照顧呢位智 障哥哥而放棄夢想,而三毛個齊耳冬菇頭成為日後阿旺等同類角色標準髮型。 

 |87年 邂逅高麗虹

87年電影《 東方禿鷹 》中,從未如此咁瘦嘅洪金寶,演到越南執行任務嘅雜牌軍成員,戲外同演柬埔寨反越共游 擊隊隊長嘅84年港姐冠軍高麗虹互生好感撻著後,91年同太太曹恩玉離婚,95年迎娶高麗虹。

 |88年 《七小福》雙料影帝

88年羅啟銳執導根據京劇大師于占元事蹟 改 編 嘅 電 影《 七小福》,由洪金寶演恩師于占元,唔靠武戲 靠文戲憑精彩細膩演 出,連奪第八屆香港 電影金像獎同第 三十三屆亞太影展「最佳男主角」,成雙料影帝。

 |98年 拍美劇爆紅

98年洪金寶進軍荷李活拍美劇《 過江龍 》,同清 談節目主持人 Arsenio Hall(右)、華裔女星胡凱莉合演,劇中演武功高強嘅中國超級警察,並成為洛杉磯警局犯罪科成員,套劇大受歡迎而連拍兩季,事業創 另一高峰。

 

 

https://www.orientalsunday.hk/category/最新娛聞/

訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱