明益編劇界蕭正楠 「王晶女」王子涵欽點入宮

0 20
王子涵阿爸是王晶,雖然被指有父蔭在娛樂圈贏在起跑線,但早年晒身材著內衣行騷,拍戲又做大配角,星途暗黑,晶爸似乎想個女由低做起。直至三年半前王子涵簽無綫做親生女,王晶為女鋪路有 晒全盤計劃,等到時機成熟, 度身訂造開套劇集《荷里活有個大老千》,王子涵在劇中飾演的「缽仔糕」一角,慘妹煽情討好觀眾成功入屋。
人氣急升的王子涵,被不少男演員虎視眈眈,得晶女得天下,拍劇時已有何浩文與吳業坤想埋身,不過王子涵最近卻被前無綫編劇、李璧琦舊愛李梓樅mark實。幾年前仍在《Do姐去Shopping》做「畀錢仔」的李梓樅,已搖身一變成為王晶身邊的當紅編審,日前與王子涵一齊出席《荷里活》宣傳,之後二人去九龍城撐枱腳,貼身服侍晶女,又扶實過馬路,李梓樅目標明確,下一步當然是想做王晶的乘龍快婿啦!

撰文:東方新地| 圖片:新傳媒圖片、劇照、電視截圖、王子涵insatgram

「王晶女」王子涵 欽點入宮

入行已十年的王子涵,最近在無綫劇集《荷里活有個大老千》中飾演丁小雨「缽仔糕」,角色身世慘情,成功令觀眾由憐生愛,令她人氣急升。其實近年王晶已處心積慮想捧女兒,先後安排王子涵參與多部 由他監製的劇集,包括《賭城群英會》,但一直都只做大配角,未有機 會讓她發揮,今次《荷里活有個大老千》為她度身設計角色,故事骨幹亦圍繞她,成功彈起早已在計算之內。

王子涵
王子涵是王晶的孻女,今次有阿爸開劇力捧,憑「缽仔糕」一角成功彈出,更大膽提議開續集。

不在乎批評

雖然王子涵曾被指冇樣貌、冇身材、冇演技,但她有的是強勁後 台。《荷里活有個大老千》中擔戲甚重的王子涵,雖然被網民批評她29 歲仍演18歲少女,甚至轟她戲屎,但她完全不在乎別人的批評,因為 她想要的是知名度,她說:「依家喺街度有人叫我缽仔糕,又有人叫錯 我大菜糕,我個心好爽。」王子涵表示當初決意入行不想靠父幹,並強 調爸爸王晶絕無偏私,見她演得不好也會大鬧:「每次拍完場戲甚至作 品出咗街,佢都會同我檢討,有次畀佢鬧得好勁,好唔開心,但嗰次 真係令我喺演戲上有少少開竅,幫到我好多。」

王子涵
早前《荷里活有個大老千》在商場搞宣傳活動,影大合照 時,除了監製王晶和劇中主要演員,就連編審李梓樅(右一) 都有份上台,可見他已是舉足輕重的人物。

王子涵
身穿露肩露臍裝的王子涵,在劇集孭重飛,角色討好大受歡 迎,出席活動更有不少粉絲支持。

畢業於倫敦藝術大學的王子涵,專修化妝、服裝及形象設計,自 小已立志要做明星演戲,返港十年,在演藝事業上浮浮沉沉做紙上明 星,若不是王晶安排多位老戲骨如鄭則仕及金燕玲與她演對手戲,相信王子涵亦難以上位。據知情者透露:「晶哥雖然好錫個女,但十 年前個女入行佢唔出手係因為覺得未係時候,Ada(王子涵)貪玩未 定性,晶哥想磨練吓佢先,睇吓佢係咪真係對演戲有興趣同堅持 先,再加上佢係晶哥個女,其他人亦唔敢搵佢拍嘢。Ada 咁多年都 係做配角,連內衣騷都接埋,始終都係冇乜出路,大家只係知佢 係王晶女,但冇代表作囉!估唔到Ada 真係堅持到,所以晶哥先安 排佢入無綫受訓練,拍過幾套劇都係做三、四線,之後開套《荷里活有個大老千》, 個角色擺明係 為個女而設 , 有Kent哥( 鄭則仕 )同金燕玲傍住,一定唔會衰。」

王子涵
當日做完宣傳活動,王子涵放棄司機接送,坐編審李梓樅車到九龍城,拍埋高大的李梓樅身邊,王子涵顯得更加嬌小玲瓏。

 

跌膊撐枱腳

入到餐廳,二人點了沙律及窩夫溫馨共享,王子涵滔滔 不絕時,李梓樅好細心咁做聆聽者。

王晶個女人人爭

貴為王晶寶貝女,王子涵交遊廣闊,圈中以姊妹或兄弟相稱 的好友甚多,有指當中有不少所謂的好友,其實是想黐金糠博上 位。王子涵一入無綫已有大堆新晉小生及半紅不黑的巨聲幫埋身 巴結,去年拍攝《荷里活有個大老千》,何浩文與吳業坤亦對她虎 視 眈 眈 , 知 情 者 說 :「 晶女肉係人都想食,一 個唔覺意畀Ada睇中做埋男友,點都會有著數,王晶一年開咁多部戲,佢又咁錫個 女,Ada 只要出聲晶哥實畀機會嘅,好過喺無綫捱到金睛火眼都 未必上到位。拍《荷里活》時Dominic(何浩文)同坤哥都好進 取,成日撩Ada玩,放工又成日約食宵夜,不過Ada只係當佢哋係兵,Dominic 早已係晶哥旗下藝人,而坤哥個底花成咁,Ada咁醒當然唔so佢啦 !」

體貼扶過馬路

食飽飽行去攞車,過馬路時李梓樅左右手出動扶實王子 涵,如此親密的身體接觸,看來絕非普通朋友咁簡單。

陪煲煙

搵地方醫肚前,王子涵先搵個地方 煲煙,雖然自己唔食,但李梓樅陪伴左右冇行開。

要做晶兵都唔係咁易,不過王子涵最近身邊已出現頭號晶兵,日前王子涵出席《荷里活有個大老千》宣傳活動,離開時連私 人司機都使走,坐上該劇編審李梓樅的座駕離開,二人去到九龍 城泊好車,王子涵在車內把高踭靴除下,換上波鞋,其時李梓樅 一直在旁守候,並為她把靴放入車尾箱。之後他們搵地方醫 肚,沿途雖未有拖手,但過馬路時李梓樅終於出手,右手捉實王 子涵手腕,左手則輕攬王子涵背部,在餐廳內又分享一碟沙 律,一切盡在不言中。

送返香閨

王子涵由李梓樅送返何文田豪宅寓所,到達後男方更細心地幫她從車尾箱拎手袋。

晶哥愛將

李梓樅本來只是一個無綫普通編劇,多年來為上位無所不用其極,最終遇上王晶父女,近年有王子涵做後台,加入「星王朝」升做編審,成為晶哥身邊大紅人,去年晶哥生日,他更在社交網po相晒關係。

被封臭朵編劇

能與晶女有身體接觸,又不被抗拒的李梓樅,雖然編劇出身 但卻非常面善,因為他曾在《Do姐去Shopping》裡面擔任「畀錢仔」,有看過該節目的相信都不會覺得陌生。05年入行的李梓樅,在無綫任職編劇期間作品有《歲月風雲》、《學警出更》和《男人之苦》等,但有指他因脾氣臭兼人緣差,而被調往非戲劇組,後來自己冇癮辭職。離開無綫後,先後與導演林超賢及黃百鳴仔黃子桓 合作,但最後也是反面收場。

暱稱叫涵妃

李梓樅年過三十,近年為埋晶哥堆落力討好王 子涵,去年李梓樅生日食烤肉慶祝,王子涵送 上蛋糕製造驚喜,李梓樅在 IG公開多謝「涵 妃」,叫得好親密。

據知情者透露:「李梓樅個名全個電視城都識,當年佢得罪人 多,早已臭名遠播,後來話返教會信教,仲同李璧琦撻著,有傳當年佢返無綫都係靠女友幫佢重新搭路食回頭草,13年再入無綫做 番編劇,仲信埋教,多咗好多圈中同是教徒嘅朋友,近年佢同Ada玩得好埋,氹得掂王晶個女,大把世界撈,仲劈炮無綫走去幫晶哥,之後仲升埋做編審。」李梓樅外形高大,有幾分似蕭正 楠,今次由他做編審的《荷里活有個大老千》令王子涵彈起,他絕 對居功不少,相信晶哥都好滿意佢嘅表現,不過要做晶女婿就應該發夢未有咁早。

晶女萬歲慶功

《荷里活有個大老千》反應甚好, 上周六( 2月23日 ) 王子涵自掏腰包請食飯兼收看大結局,何浩文、吳業坤及Baby John等演員都有出席,而李梓樅更把合照放上 IG。

王子涵
王晶與太太育有兩名女兒,大女對幕前工作零 興趣,王子涵卻自小恨做明星。多年來王晶不 時帶她出來見人,為其演藝事業鋪定路。

Do畀錢仔

李梓樅三年前仍在無綫做編劇,在《 Do姐去 Shopping》中出鏡做負責遞上信用卡的「畀錢仔」,這個節目更為他 帶來「最佳綜藝及特備節目」的獎項。

李璧琦舊愛

當年與李璧琦拍拖,李梓樅被封臭朵編劇,有傳因走投無路最後要借女友把口重返無綫。

花弗底

外形高大威猛的李梓樅習武多年,精通國術及泰拳等,多年來形象花弗,最喜歡埋女星身。

教會交友

返教會多年的李梓樅最鍾意 與圈中女星做弟兄姊妹,不時與王君馨、苟芸慧攬頭攬頸,就連宇宙G.E.M.都唔放過。

坤哥、何浩文吼實

王子涵與何浩文在劇中飾演一對 戀人,二人埋位前後都玩到 癲,不過王子涵表示與對方不會 擦出愛火花,因她不愛肌肉 男。而媾女成性的坤哥亦樂做晶兵,不時放工陪食飯陪宵夜,唔 會放過任何一個機會。

奔放半裸

小時候仍是肥妹仔的王子涵,為做星不斷減肥,瘋狂做運動才擁有今 日驕人身材。入行十年的她不時在社交網大晒比堅尼照,更多次在外 遊時脫去泳衣半裸拍照,晶女敢做敢言,性格豪邁奔放

王子涵
日常生活中嘅王子涵,平日亦愛於夏天出海同陽光玩遊戲,不時會晒出泳照,身材都有啲睇頭!

人人爭住黐

貴為王晶愛女,王子涵身邊好友全是大配角甚至二打六,男的有翟威廉、周志文、林師傑及溫家偉等等,女的有歐陽巧瑩、 蔚雨芯及劉佩玥等,黐得晶女多自有晶庇佑,究竟有幾多是真 心朋友?

度身訂造好角色
王子涵在《荷里活有個大老千》中的演技批評 在網上好壞參半,有網民指她「成功需父幹」 才獲得機會,但也有支持者認為角色是為她 度身訂造,由她扮演一個18歲的少女都可以 駕輕就熟。就連男主角鄭則仕亦為王子涵講說話:「王子涵由冇人識到係人都知佢叫『缽 仔糕』唔係白捧,佢演技唔叫精彩,但合格有餘。唔好屈晶哥,其實係我提出捧王子 涵,晶哥先將佢擺上去做『女一』。」

另一位好戲之人金燕玲也令王子涵獲益良多,王子涵表示感激能遇上丁小雨「缽仔糕」這個角色,可以借角色釋放她的孩子氣,讓觀眾有機會看到她的另一面。

延伸閱讀:

王晶捧29歲細女王子涵做女主角 演得唔好老竇即鬧爆!

《荷里活有個大老千》播出一星期有多,劇中飾演丁小雨 ,花名缽仔糕嘅王子涵好多人都好想知佢邊個,原來佢就係王晶嘅29歲細女!

現時29歲嘅王子涵喺《荷里活有個大老千》中飾演龍四(鄭則仕飾)、丁玲(金燕玲飾)之女丁小雨,有睇呢套劇嘅朋友應該都對王子涵幾有印象!

王子涵

王子涵

皆因佢飾演嘅角色缽仔糕喺劇中除非常疼愛玲媽之餘,而且個性格倔強又潑辣,係個有嗰句講嗰句嘅人。無論係王子涵因玲媽過世而爆喊,抑或破口大鬧鳳姐(梁敏儀飾)係「八婆」,都令人對佢留下深刻印象!

星途未如外界預期

王子涵喺劇中嘅角色性格突出,演技自然唔造作,原來佢已經入行近十年,不過就因為佢爸爸係有名導演王晶,而令其星途行得非如一般人所認為般容易!

王子涵畢業於著名嘅倫敦藝術大學化妝及髮型形象設計系,07年返港後就隨即加入電影界。同年,亦於王晶電影《七擒七縱七色狼》演出Eleven一角,雖然唔係女主角,但叫做踏出演藝事業嘅第一步。

然而,唔少導演因知道佢係王晶個女而唔敢搵佢拍戲,所以歷年嚟王子涵有份演出嘅作品並唔多,電影《甜心粉絲王》、《黑勢力》、劇集《火線下的江湖大佬》、《我瞞結婚了》、《賭城群英會》等。

王子涵曾經於訪問時坦言,外間以為爸爸會為佢安排好工作,故冇人敢搵佢拍戲,但同時唔希望靠父蔭,想以個人實力創出成績,所以要更加努力,令別人選角時就會諗到佢。

王晶拍劇不偏私細女

眾所同知,《荷》係王晶投資作,而王子涵又喺劇中又擔演一個戲份重嘅角色,所以王子涵都好珍惜呢次機會,喺劇中好用心演好角色。據知,王晶如見王子涵演得唔好,就會即時喺片場嚴厲批評,可見未有偏私呀女!

順帶一提,王晶有兩個女兒,據知大女王佟藝開公關公司,主力幕後,而王晶曾指唔希望自己女入行做藝人,不過因自覺細女王子涵對演藝行業甚有興趣,先願意首肯俾王子涵入行!

 

 

https://www.orientalsunday.hk/category/最新娛聞/

訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱