【真情】「好姨」薛家燕遭夫拋棄欲輕生 幸子女救一命

0 50
TVB 經典的處境劇《真情》又重播,這部上世紀90年代出品的《真情》,從1995年至1999年,橫跨4年時間播出,合共播出了1128集。相信今次重播,會陪大家到2023年!

提起《真情》,飾演「好姨」嘅薛家燕憑此劇人氣急升,8歲入行做童星嘅家燕姐婚後退出幕前,相夫教子,卻沒想到會遇上婚姻觸礁,最難捱嘅時候她想過輕生,幸而子女救她一命。現在苦盡甘來,子女們都事業有成,家燕姐更有位拍拖12年嘅圈外商人男友,雖然男方兩度求婚但都被家燕姐婉拒,箇中原因她娓娓道來。

撰文:東方新地、Sunday kiss │編輯:東方新地 │圖片:新傳媒圖片、劇照、微博、薛家燕Facebook專頁、王梓軒微博、石耀庭IG

薛家燕憑「好姨」再創事業高峰

《真情》已經是23年前的劇集,但卻是TVB最經典的處境劇,現在好多人見到家燕姐仍然會叫佢做「好姨」,家燕姐飾演的好姨是個爽朗率真的「師奶」,雖然有點潑辣,但當家人或朋友遇到困難時總是會挺身而出,說話也坦白而且熱心助人,角色相當討好,劇集出街時深得觀眾喜愛。

薛家燕

《真情》唔止捧紅咗不少演員,不少資深的演員如李司棋、薛家燕因為呢套劇再次爆紅。

不少演員因此劇而人氣急升更成演藝涯的代表作,比如張慧儀、鄭子誠、馬蹄露,而不少大台日後的當紅小生、花旦如郭可盈、蘇玉華、陳錦鴻、劉愷威、滕麗名、馬德鐘、謝天華、黃智賢都出演過。

奪萬千光輝演藝人大獎

68歲的薛家燕在去年奪得萬千光輝演藝人大獎,家燕姐講感言時表示要感恩,演藝生涯已60年實在不簡單,她特別多謝曾勵珍找她拍《真情》,是她人生轉捩點!當時很辛苦,但從來都沒有跟公司說辛苦,又多謝樂小姐及余詠珊小姐給她的支持及協助,家燕更講到喊:「TVB呢個大家庭係畀我好大支持,當中包括幕後及一班合作過嘅藝人,有時唔記得食嘢買埋畀我食,我慳埋好多,我會繼續努力報答大家。」

由胡楓、黎小田頒獎,頒獎前黎小田指得獎者「事業心重」,胡楓又指她很勤力是偉大母親,未頒已呼之欲出是薛家燕。家燕姐今次攞獎唔着登基黃袍,反而以全紅色登場。

《真情》演員聯誼

家燕姐人緣甚好,年年生日都有大批朋友同排住隊同佢慶祝生日。前年家燕姐就喺社交網上載咗一班好友同佢慶生嘅相片,當中有無綫高層曾勵珍、劉丹、劉愷威、馬海倫、林漪娸等,呢個組合之唔係無綫經典長壽處境劇《真情》入面嘅人物!劉丹係「叉燒炳」、劉愷威係「安仔」、馬海倫係「Helen馬小姐」、林漪娸係「小梅」!

家燕姐留言:「今天很開心,雖然我的生日已過了,但真情的一班同事,還抽空和我補做生日,謝謝珍姐、漪娸、馬海倫、丹爺、劉太,最難得的是愷威也在港,大家樂也融融的相聚,談笑風生,回憶往日的事,多愉快的一個晚上,再次謝謝大家。」

七公主其中一員 薛家燕紅足半百年

60年代係七公主嘅天下。身為其中一員嘅薛家燕,8歲就入行做童星,直到今日家燕媽媽仍然係廣告商同埋監製嘅寵兒,可謂紅足半百年。

只是80或90後嘅你,可能只係見過家燕媽媽風光嗰一面。其實當年佢試過由事業高峰期急流引退,經歷人生低潮,一度諗過輕生。但為咗仔女,重新振作同生活搏鬥,捱出重病,重差啲同大家緣分已盡。一個女人,帶住3個仔女,經歷起起跌跌。今時今日,家燕媽媽仍然心境豁達,驀然回首,當年嘅一切只不過係人生路上嘅幾塊小沙石。

拍1日戲就買到1個單位

粵語片時代,成個東南亞都係七公主嘅fans。家燕媽媽當年重讀緊書,但係已經搵唔少錢。「初初入行搵10蚊日,後來變成萬幾蚊日。當年萬幾蚊可以買到個單位喇!以前大家嘅巴士月票個套都攝晒我哋啲相,放學又有好多人喺學校門口等我。」銀色旅途看似順利,可惜70年代粵語片開始式微,七公主主將陳寶珠同蕭芳芳放低演藝事業,走去美國讀書。而當年19歲嘅家燕媽媽,就被揀中簽約過日本接受培訓做歌手。

「當年我喺日本training半年都未出碟,做新人得$8,000個月,連食宿都唔夠,重要爸爸寄錢俾我生活。雖然真係學到好多嘢,但爸爸就覺得浪費咗 我最黃金嘅時間,因為我未train之前已經係女主角。當年兩個經理人都係日本人,佢哋對我好好。但係爸爸係華籍英軍,佢以前同日本人打過扙,怕我嫁俾日 本人,所以最後就叫咗我返嚟。」自細就行緊條風順路嘅家燕媽媽, 呢次港、日兩地嘅事業一鋪清,遇上人生中嘅第1次失落。

前夫失蹤 慳啲使

返到香港,家燕媽媽拍咗幾部國語片,人氣又再回升,重喺東南亞接咗好多登台jobs。之後4年,佢更為麗的電視(亞視前身)主持代表作《家燕與小田》。點知家燕媽媽重振雄風後,選擇急流引退。「當時我已經28歲喇!我係個好傳統嘅女人,我覺得應該要結婚。」家燕媽媽成為人妻之後,退出娛圈,開始發展錄影帶生意。

曾經諗過跳樓

「當時生意做到好大,我攞咗無綫同亞視嘅劇集代理權,星馬人要睇劇,就要同我租帶。」之後佢誕下3個仔女,表面上一切都幸福如意,但家庭觀念好重嘅家燕姐,呢個時候就遇上人生中最不如意嘅事。「當時我前夫失咗蹤,好無奈……3年來完全搵佢唔到。我帶住3個仔女,都要生活㗎!惟有慳啲使。曾經試過做保險同埋地產,但係我又唔夠厚面皮。試過自薦做《婦女新姿》嘅主持,但監製以為我係少奶奶,重覺得我講緊笑,當時真係好苦惱、好擔心。」

再堅強嘅人,都有脆弱嘅一刻,家燕媽媽當年1個人擔起頭家,差啲因為經濟問題而自殺。「當年我連住緊嘅屋都差啲被人收番,本來諗住跳樓,已經爬咗出窗,好彩我啲仔女叫住我。我望番轉頭,個大女攬住我喊,個仔就話:『我買咗薯條俾你食呀!』當時我就諗,班仔女都咁懂事,我唔應該揼低佢哋。」

家燕媽媽公開離婚之後,《真情》嘅監製就想搵家燕媽媽演好姨一角,起初佢都好掙扎。

「開頭我推咗監製,因為大女覺得好姨呢個角色好乞人憎。當時最細個女得3歲,拍劇要捱夜,冇時間睇住啲仔女,而且酬勞亦唔多,得$2,000集。」最徬徨嘅時候,家燕媽媽遇上曾經公開傾慕佢嘅知己黎小田。「黎小田知道我離咗婚,重話:『早知嫁俾我啦!』哈哈!同佢傾開先知,當時管藝員科嘅同事Ben Chan,係《家燕與小田》嘅工作人員,於是佢就幫手聯絡珍姐(曾勵珍),搵我上去傾下加人工囉!」就咁促成咗個膾炙人口嘅角色——好姨,同時亦造就咗家燕媽媽第3個事業高峰。

出唔到院 寫定遺囑

拍《真情》呢段日子,係家燕媽媽成世人最忙、最難過嘅日子。「嗰時好多人搵我拍廣告,但係我冇經理人、冇司機、冇助手,惟有自己mark檔期。返到屋企已經12點幾,又要睇仔女啲功課,背劇本背到3點,晨早6點又要起身送啲仔女返學。《真情》後又拍咗《皆大歡喜》,頭尾加埋差唔多10年冇停過。

「曾經試過搵唔到工,養唔起班仔女。當年冇諗過可以紅到而家,所以一有機會,就梗係接啦!拍《富貴門》嗰時,因為卡士大,啲期好難就。開拍之前我一次過割 咗痔瘡同埋膽石,割完之後就即刻開劇喇!當時成日都心口痛,於是就入院檢查,點知原來膽管、胰臟同腹膜都發炎,加上又肺積水,已經出唔到院。」百病纏身,當時家燕姐已經寫定遺囑。「好記得阿肥(沈殿霞)當年都係割咗個膽,跟住就覺得周身唔舒服,同我嘅情況好似。3個仔女都喺美國,touch wood有咩事我都要同佢哋有個交代。」好彩,家燕媽媽大步檻過!

{"IPTC-DATA":"NMG","data":{"photoID":2123022}}

投資蝕3分1身家

曾經有間大學搵咗3千個小朋友做過調查,問佢哋心目中嘅爸爸媽媽係邊個。結果,佢哋揀咗李嘉誠做爸爸,而家燕媽媽就係佢哋心目中嘅媽媽。「我唱兒歌同埋製作兒童書籍,係想帶動小朋友有個好思維。所以我就向學校推廣《弟子規》一書(由家燕媽媽演繹孔子嘅教誨故事),引導佢哋學識德育嘅重要。」

家燕媽媽坦白承認,而家辦學(家燕媽媽藝術中心)同埋搞品牌,比拍戲搵得更多。「當時唔識投資,而家識嘛!不過幾年前我都試過因為投資而蝕咗3分1身家。但係我唔會去諗喇!又唔係我1個人蝕。最近我都蝕咗7位數字(股票),其實只係個數字,我唔放都唔叫蝕咗。」

S

由抑鬱到想輕生,直到成為搞笑高手,氹番人開心,家燕媽媽睇得好開。「做嘢嘅過程會遇到好多困難,會諗唔到解決方法,我就同自己講,識得解決嘅事就做,唔識嘅就求救,如果人哋都幫唔到你,就擺埋一邊唔好理,船到橋頭自然直。惟有以呢種心態,先至可以面對挫折。」

細女在「母親的抉擇」做社工

家燕姐大女石祐珊早年在社交網站分享妹妹畢業禮的照片,留言:「Proud of this little one today !」見佢哋一家四口笑容滿面,尤其是家燕姐笑到四萬咁口,梗係啦!囡囡學有所成,而二子石耀庭6月成家立室,家燕姐更準備飲新抱茶,苦盡甘來,相信佢覺得好安慰!

家燕姐為珠珠引以為傲,早前她透露女兒自到泰北做義工後,感受幫助別人的喜悅而立志做社工。原來珠珠願望達成,現在於「母親的抉擇」工作做社工。而大女石祐珊在IG晒出合照,並留言:「Proud of this little one today(為你驕傲) #masterofsocialwork #smartestinthefamily #hku 」見石耀珠着住畢業袍戴埋四方帽,笑得好開心!

薛家燕
細女碩士畢業,薛家燕繼續黃袍加身,笑到見牙唔見眼!

家燕姐話珠珠好有愛心,之前隻身去泰北教小朋友英文!

兒子求婚成功 薛家燕喊埋一份

薛家燕的30歲兒子石耀庭(Jackson)目前從事幕後製作,去年四月,在家姐石祐珊及好友王梓軒協助下,向圈外女友求婚。他向圈外女友Zoe表示要去看好友王梓軒的綵排,抵達九展後突然由石耀庭換上歌手位置向女友自彈自唱《愛很簡單》,接著更跳出電影《星聲夢裡人》的舞,最後更以99枝玫瑰及戒指跪地求婚,令女友Zoe感動落淚並應承求婚,家燕姐都感動到喊埋一份。

見證兒子成家立室 家燕姐恨抱孫

家燕姐當年被前夫石保慶拋棄,她做單親媽媽母兼父職,十多年不眠不休咬緊牙關養大三名子女,現在子女均長大有成就,29歲的孻女珠珠(石耀珠)學有所成,在香港大學碩士畢業後現在於「母親的抉擇」做社工,二子石耀庭去年在洲際酒店舉行婚禮女友陳素怡(Zoe),家燕姐十分緊張阿仔的婚事,送樓送首飾、包辦兩場盛大婚宴等,夾夾埋埋豪擲4千萬娶新抱。

家燕姐苦盡甘來,此刻的幸福她絕對值得擁有⋯

而呢位超級奶奶娶新抱的行頭十足,她身上一套翡翠頸飾、手鈪和指環超搶Fo!

薛家燕:終於等到這一日

提到囝囝石耀庭和新抱Zoe早上敬茶令她感觸,她不禁眼濕濕,感覺終等到這一日,坦言下午簽紙儀式一對新人講誓詞一剎那更是喜極而泣,她說身旁的襯家都一樣,而她只哭了兩次而已。薛家燕在上台致辭時激動地哭道:「Jackson今天事業有成,還可以成家立室,我真係好開心,因為我等咗呢一日好耐,對唔住,唔好意思,我頭先仲喺下低諗,等一陣上台唔會咁(哭)⋯」

而在家燕姐上台前,他的囝囝致辭時也禁不住哭道:「我哋能經歷到撐到過去,我相信以後沒有事可以難倒我哋⋯」之後一對新人仲獻花給家燕姐及女家父母!

薛家燕 自爆拒婚原因

薛家燕去年被傳媒影到有個比佢年輕十幾年嘅圈外商人男友,而呢段姊弟戀原來發展了12年,男方更兩度求婚,只是被她婉拒。

事後記者問到現在感情穩定,會否再進一步再婚?家燕姐說不會打算再婚,更加莫說要閃婚:「年紀都咁大,好開心有個傾得埋嘅朋友,都諗住演唱會之後抽多啲時間陪家人同埋…………喜歡嘅人,其實我心入面都有啲內疚,咁多年都好忙,所以今個聖誕都推咗演出,可以去開心吓,同家人諗住去歐洲,但阿女話歐洲聖誕節好多地方都唔開,所以仲度緊。」

她透露男友曾經也希望結婚,但已適應現時生活,最緊要兩個人開心。講到三名子女都接受男友,家燕姐表示起初都有擔心,始終男友比她年輕多年,但對方一直待她很好,仔女也放心。

問到男友如何打動她?家燕姐表示對方雖然偶爾細路哥及好大懵,但整體而是相當成熟能夠照顧她,而每個生日男友都會提早一個月約她去慶祝,問到會否帶男友現身嚟緊嘅演唱會,她說:「會帶佢嚟睇,佢一定支持,但想低調啲!」

薛家燕 男友是國內商人

家姐姐喺訪問中透露,對方係一個喺上海創業嘅商人,兩人係透過朋友介紹認識,好傾得埋,完全冇因為年齡問題而出現障礙。男友曾經兩次求婚,但係家燕姐一直都未有答應,一來係兩人年齡有差距(家燕姐今年68歲),二來係因為上一段婚姻,仍然對家燕姐留有好大嘅陰影。

而大女珊珊亦都表明,三姊弟都好支持家燕姐呢段感情,以前見到媽咪有人追,都會擔心對方唔知係咪對媽咪有咩目的,但係經過12年嘅觀察,深深感受到對方對媽咪好好,好細心。但係因為對方唔係圈中人,所以家燕姐會繼續保持低調,好好保護呢段感情。

同場加映:

細數昔日《真情》花旦淡出娛圈後生活 位位嫁到好老公!

《真情》可謂是香港經典劇集之一,這套經典劇集合共有1128集,是香港電視史上播放時間第二長的電視劇。距離《真情》播出已經有24年,雖然最近於早上重播,但當年的劇中花旦許多已經淡出了螢幕,專心相夫教子。

1. 郭可盈

郭可盈在1993年參選香港小姐入行,被譽為TVB「四大花旦」之一的可盈受到TVB的力捧,她在《真情》當中飾演李多歡,劇中李多歡與馮振邦的感情線是最為人津津樂道。

圖片來源:劇照

圖片來源:劇照

如今已經49歲的郭可盈早就淡出螢幕,專心相夫教子。對於照顧8歲的獨生女林天若,可盈十分緊張孩子的教育,先後曾讓女兒入讀國際幼稚園的學前班,更報近10項興趣班給女兒,可見重點培育掌上明珠!

2. 鄺文珣

現在已經43歲的樣子甜美的鄺文珣在演出《真情》時深受歡迎,她飾演的Joan和李添安是劇中最被看好的一對。而後來她也獲出了許多演出機會,包括《鹿鼎記》飾演沐劍屏、《洗冤錄》的趙心如、《洛神》的桑柔等。

圖片來源:劇照

圖片來源:劇照

2002年,鄺文珣約滿後退出娛樂圈,4年後與圈外男友結婚後生下兩子一女,但婚後的幸福生活並不容易,特別是第一個孩子出生後,丈夫恰好生意失敗再加上與父親關係惡劣而極為暴躁,很容易就對鄺文珣發脾氣,後來是透過信仰,才修補了夫妻間的關係。

3. 袁彩雲

於德國出世及長大的袁彩雲五官標緻,1996年參加香港小姐獲得季軍,曾有份參與多部電視劇。她在《真情》當中飾演較為奸詐狡猾的王思琴,是一個重機心而且有仇必報的人。

2009年,袁彩雲與加拿大籍圈外男友飲食商人Anthony Kong結婚並移民加拿大定居,淡出香港演藝圈。現在43歲的袁彩雲時而會在微博分享生活點滴,可以看見她與女兒的關係也十分好。

 

圖片來源:微博

袁彩雲

4.吳美珩

吳美珩在1996年參加國際華裔小姐,獲得亞軍後加入TVB,大多都是飾演女強人或者專業人士,例如《天地豪情》、《妙手仁心III》等,而在《真情》中,她便是飾演婦科醫生羅生肖,是李家的恩人。

索女醫生

索女醫生

吳美珩在2001年就秘密結婚了,但一直對外隱瞞,直到2007年才公開,並在同年生下女兒,其後淡出娛樂圈,2011年再生下兒子。現在46歲的吳美珩專心相夫教子,時而與朋友聚會,實為平淡而簡單的幸福生活。

圖片來源:instagram

吳美珩嫁百億身家富商

《真情》May May-馬蹄露入行30年

入行30年的藝人馬蹄露(原名:梁穎顏),在電視圈中被認為是樣子身材平庸,最適合演丑角。一些巴辣騎呢搞笑角色通通難不到她,而且非常受觀眾喜愛,算是有觀眾緣。馬蹄露在2015年《萬千星輝頒獎典禮》中憑《鬼同你OT》一劇角逐最佳女配角時,頒獎禮當日她罕有地以Deep V裙示人。雖然她不像其他女星般性感,但一樣獲網友大讚型格、有個性!

馬蹄露

馬蹄露


馬蹄露

馬蹄露在《真情》播出兩年後,約在456集開始加入。她的演出屢破收視記錄。馬蹄露指與鄭子誠拍親吻戲時,因為戲中May May會和子浩(鄭子誠飾)會走在一起,由於她緊張及害怕,於是向導演講提出拒絕。不過導演認為二人在戲中是情侶關係,因此一定要有親熱鏡頭。當時二人走到拍攝場景九龍理想酒店門前也一直跟導演講數,幸好最後導演決定準許二人點到即止!至今時今日2人還是好朋友。
馬蹄露


馬蹄露

7點睇晒馬蹄露「黑」歷史

1. 最厭惡角色演繹大獎

入行30年,有人捱出頭來得「最佳女主角」,也有人獲得「最佳女配角」。馬蹄露直到2015年才憑《鬼同你OT》,第1次提名萬千星輝頒獎典禮「最佳女配角」,可是都失落了。不過在1997年度萬千星輝賀台慶中,她卻憑《真情》獲得「最厭惡角色演繹大獎」。馬蹄露

馬蹄露

角色深入民心好像是好事,但馬蹄露卻被定型了。演多了壞女人,對形象不好,她曾說:「上街曾被路人指住說我醜,說我討厭,還說看到我眼睛會刺痛……」這種無辜的成名方式,想她當時必定感到了無限的壓力。

馬蹄露

2. 曾志偉提拔入行

馬蹄露於1989年,在商業二台出道,曾為香港電台電視部拍攝過電視節目,例如《性本善》及一些教育電視節目。1991年曾志偉邀請她與他在亞洲電視中,主持搞笑節目《曾志偉騷足一晚》。1996年經曾志偉引薦加入無綫電視,1997年後期加入《真情》劇組。馬蹄露

馬蹄露

3. 刁蠻大小姐「May May」破收視

馬蹄露加入《真情》,飾演刁蠻大小姐「May May」,演出大獲好評,更將馬蹄露的知名度推往更高峰。而「May May」跳樓自殺的一集(666集),接近高達270萬之多觀眾捧場,當中最高收視1集為42點,平均收視率達40點,打破戲劇及處境劇過往最高收視率,亦成為長達1128集的《真情》最高收視的1集。馬蹄露

4. 現實有料到

200211301459475632518211

雖然馬蹄露經常在劇中飾演壞女人,但現實中的她,卻是個周身刀的女人!她曾因為令自己在《愛.回家》中的調酒師角色,更去學花式調酒,更考了調酒師證書。她亦透露自己也有潛水牌、電單車牌,喜歡不斷學習,增值自己。

5. 曾與美國大學教授拍拖

早前,馬蹄露為雜誌做訪問時透露,與美籍意大利裔教授Mark有過1段情。Mark曾在美國哈佛大學做研究員,現時就係美國Stone Brook University的數學系教授。

70b34836jw1f3tcmgkswej20qo140afi

當年,Mark來香港做訪學,經朋友介紹下認識馬蹄露,2人隨即撻着。馬蹄露更不時飛去美國會情郎,可惜異地戀難維繫,所以2人拍拖1年就分手了。

clip_163-1024x576

6. 馬蹄露半裸影寫真

26ec3p4new

誰說影寫真是0靚模的專利?數年前48歲的馬蹄露受中國郵政邀請,半裸性感影相出postcard。雖然馬蹄露沒有豐滿的身材,但仍拍得很性感。

7. 內在美

有網友指出馬蹄露的好人好事:「十幾年前我已親眼見過,在大埔海寶花園畢打奧餐廳附近,凌晨時分,馬蹄露不單阻止街上拾荒婆婆隨街撿食,仲買埋嘢食俾婆婆。真係好好心!」更有網民表示:「成日都見佢夜媽媽喺大埔中心惠康門口俾錢露宿婆婆。」內在美比外在來得更重要!

200209172210010619510787

除了拍劇外,馬蹄露也有在唱歌方面發展。之前她曾經在亞視上表演,又曾跟TVB藝人冼灝英大拍MV《LadyGaga》,搞笑得來也看得出她的用心製作。

訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱