盤點娛樂圈10個單身女筍盤!個個都內外兼備!

0 19
近年娛樂圈喜事一單接一單,去年有鄭嘉穎同陳凱琳拉埋天窗兼今年誕下愛子鄭承悅,又有陳展鵬同單文柔結婚,圈中多位男女士都封盤,究竟仲有咩女筍盤淨低呢?

撰文:Evita (原文刊於:新假期)|圖片:Instagram,東星、劇照

盤點十個娛樂圈單身女筍盤

李施嬅

現年38歲無線藝人李施嬅(塞萊娜)入行16年,原本喺多倫多大學修讀會計,但系2003年返港參選香港小姐競選而綴學。當年塞萊娜奪得「最上鏡小姐」同「才藝小姐」,可惜最後未能擠身五強,不過奪得呢兩個獎項已經對渠外表同才能有一定慨肯定。

加入無綫後主要拍攝電視劇,當中最為人熟悉嘅係《天命》中飾演皇貴妃一角,又或者係剛播映完畢嘅《荷里活有個大老千》扮演電影經理人嘅瑪利蓮。

2017年,Selena憑微電影《Once More》奪得兩個外國影展最佳女主角,今年再憑加拿大劇集《Blood And Water》獲得「2019年加拿大銀幕獎」,可謂有顏值有實力。

胡定欣

講起李施嬅,又點少得好姊妹胡定欣呢?現年37歲嘅胡定欣自少參加新秀同CoverGirl選舉,未完成TVB藝員訓練班就被監製睇中拍攝《衝上雲霄》,後來事業一帆風順,劇集一套接一套,更喺2015同2016年兩次奪得《萬千星輝頒獎典禮》視后殊榮。

《城寨英雄》入面同陳展鵬成為銀幕情侶,當時有唔少觀眾都希望佢哋現實都可以一齊

《宮深計2之深宮計》入面,胡定欣飾演陰險惡毒嘅皇后,演技非常到位

私底下嘅佢非常熱愛運動,經常喺Instagram大晒健身成果。

姚子羚

同樣與上面兩位都係「胡說八道會」成員嘅姚子羚(Elaine)亦係筍盤之一。現年38歲嘅佢大學入讀墨爾本皇家理工大學傳理系,2002年參加主持比賽奪冠後加入TVB。不過大家最記得必定係其第一部電視劇《當四葉草碰上劍尖時》入面飾演藍雪文嘅佢。

初出道嘅Elaine臉上依然有一份稚氣,不過近年愈變愈靚,女人味湧晒出嚟。

除咗拍劇,仲會主持節目,例如去年年底夥拍蕭正楠、曹永廉同胡定欣拍攝《兄弟姊妹去旅行》。

《兄弟姊妹去旅行》

《兄弟姊妹去旅行》

岑杏賢

岑杏賢(Jennifer)係港姐出身,當時奪得「最上鏡小姐」、「最佳首飾演繹大獎」及「時尚目光獎」。

入行後以拍劇為主,好似《愛.回家之開心速遞》都見到佢蹤影。唔講唔知,原來Jennifer喺外國完成心理學學士學位,其後亦喺香港理工大學完成碩士。

2016年同男友袁偉豪分手後一直單身,有學歷又有美貌嘅Jennifer絕對係圈中筍盤。

唐詩詠

唐詩詠2003年加入無綫後首部拍攝青春劇就係《當四葉草碰上劍尖時》,當年曾有網站舉辦一個「歷代四葉女最靚選舉」,結果詩詠以高票當選,壓倒陳自瑤和龔嘉欣。


2018年《萬千星輝頒獎典禮2017》裡,唐詩詠更以《不懂撒嬌的女人》中飾演Cherry的更成功擊敗宣萱首封視后!

唐詩詠被喻為「不能錯過的女友」,被前男友余文樂、崔建邦背棄出賣,令佢對愛情缺乏安全感。幾年前詩詠同洪永城拍劇互生好感,花了近半年時間觀察期始接受對方追求,但執到寶的洪永城未有好好珍惜,拍拖期間被爆跟前度藕斷絲連,又多次跟同劇拍檔傳緋聞,二人最終分手。

唐詩詠一直都保持清純女神的形象,雖然已經37歲,但係仲同廿幾歲無分別。

麥明詩

麥明詩在澳洲出生,回流香港後就讀於拔萃女小學及拔萃女書院,2009年於香港中學會考考獲中國語文科和英國語文科5 *級,以及8科甲級的十優佳績,為當屆會考狀元。

2015年參選香港小姐以大熱姿態榮獲冠軍

麥明詩原本打算在香港升讀預科,但因為她在會考取得十優,已獲英國威靈頓公學(Wellington College)取錄,因此決定先到該校讀預科,適應英國的生活,2011年升讀劍橋大學紐納姆學院法律系2014年取得法律學學士學位二級榮譽畢業。

麥明詩入行後主力做主持,間唔中拍劇,意想不到嘅係佢同時修讀法律,2018年年底通過紐約律師考試,考到美國執業律師牌。

龔嘉欣

現年29歲嘅龔嘉欣(Katy)自小成為硬照模特兒,之後仲喺香港演藝學院修讀戲劇文憑。一向畀人細路女感覺嘅佢喺2016年台慶劇《幕後玩家》中飾演媽媽一角,因為劇中爆喊一幕備受觀眾讚賞,更獲得同年「最佳女配角」。

 

《幕後玩家》劇照

《幕後玩家》劇照

喺新一輯《美女廚房》入面,Katy揮低黃心穎同陳凱琳成為美女廚神,果然入得廚房出得廳堂。

朱晨麗

31歲嘅朱晨麗有「翻版陳法拉」之稱,於2011年奪得香港小姐冠軍。自小喜愛跳舞佢嘅佢係芭蕾舞高手,曾經加入香港芭蕾舞團。

初初到港時,朱晨麗係唔識聽亦唔識講廣東話,但係為咗融入香港,於是由零學起。加入TVB後主要拍攝電視劇,去年嘅「特技人」入面首次擔任女主角,演技大有進步。

張曦雯

擁有驕人身材嘅28歲前國際中華小姐冠軍張曦雯(Kelly),由成為選美冠軍至今七年,入行後先係做主持,後加入電視大銀幕拍劇。

最初入無綫主要主持英文節目,好似《港生活.港享受》以及翡翠台《東張西望》時段內嘅《Pearl Tonight》。

2016年開始Kelly嘗試拍劇,不過相信有唔少人最記得都係去年《跳躍生命線》中飾演文暉嘅佢。劇中經常穿著背心短褲,大晒長腿,非常吸睛。

鏡頭前嘅佢係氣質女神,背後卻係一個愛打機嘅直率女生,之前Kelly直播打機時不禁爆粗,反而吸引一大班粉絲。

陳煒

講到圈中筍盤,又點會少得陳煒?45歲嘅陳煒喺北京出生,細個就跟隨父母移居香港,96年放棄學業參加亞洲小姐競選榮獲冠軍,隨即被亞視力捧而成為當家花旦,主力拍攝電視劇。

2008年陳煒與商人顏志行結婚而宣布息影,不過闊別四年後又宣布復出,當年就由好友江美儀引薦而加入TVB,同年亦同顏志行離婚。

2016年陳煒拍攝飲食節目《煒哥的味道》,當時請來前夫做嘉賓,鏡頭面前上扮恩愛,其實已經離婚。

回復單身嘅煒哥復出娛樂圈後努力拍劇,憑《宮心計2深宮計》勇奪《萬千星輝頒獎典禮2018》「最受歡迎電視女角色」。小編覺得陳煒絕對係有外表有演技又有廚藝嘅絕世好女人,你哋最鍾意又係邊個呢?

訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱