王敏德34D細女做內衣代言 奉旨晒奶

0 66
同名模老婆馬詩慧結婚26年,眨吓眼三個兒女王曼喜(Kayla)同王麗嘉(Irisa)、王躍穎已經分別25、24同18歲,個個都大個仔大個女!日前王敏德(Michael)出席活動時講到飲酒,佢話囝囝鍾意飲酒鍾意蒲,怕個仔蒲太夜做錯事所以定個返屋企時間畀佢,講到之前佢唔鍾意細女王麗嘉喺社交平台狂貼性感相,但依家囡囡做咗內衣代言人,日日分享內衣照,王敏德對此也作回應!

 

撰文:東方新地|圖片:irisashannon 、michaelwong_mw 、王躍穎IG王曼喜IG 、新傳媒圖片

阻大仔蒲天光 王敏德定家規!

王敏德旗下品牌同一間酒莊合作推出紅酒,日前仲特別舉行慶祝酒會,佢話最近不停試酒,但就唔會畀自己醉:「我飲到咁上吓就會停,或者機走人,我唔鍾意飲到嘔嗰種感覺,飲得多會鍾意唱歌同跳舞。」

太夜返鎖門 冇得入屋

問到有否和仔女一起歎紅酒?佢話有,而阿仔鍾意飲啤酒,講到有冇監管兒女唔好飲太多?佢話:「阿女好有節制、好聽話,唔使管,阿仔就鍾意去夜蒲玩,所以有規條管制,要佢2點前返屋企,因為2點後好多時啲人都飲大咗,驚佢做錯事。如果過咗2點未返就鎖門冇得入屋。」不過佢話至今囝囝都未試過夜返而冇門口入!

喺王躍穎嘅IG不時見到佢分享隊啤照,仲會同大班朋友夜蒲。

身材火辣嘅細女Irisa喺美國留學期間,有鋪晒奶癮,社交網絡全天候派福利晒全脂奶,日日唔係床邊就泳池邊,張張相都性感野性,身在香港嘅老竇睇到眼火爆喺IG留言質問,但你有你鬧個女照樣晒,真係冇佢符~不過家陣囡囡做咗內衣品,態度都由最初隔空留言抗議到現在改口接受,王敏德話囡囡為數個品牌做代言,其中部分仲係內衣代言,因為工作需要佢係接受!其實細女麗嘉立志入行做model,依家憑惹火身材被各大品牌睇中,未嘗不是好事,難怪王敏德都支持啦!

 

睇番之前王麗嘉出席內衣品牌發布會,平時經常在社交網站上大曬性感內衣照的Irisa,透露自己買內衣買上癮愈買愈多!

雖然有驕人上圍,但Irisa坦言豐滿身材亦為自己帶來困擾:「着衫方面好多靚衫都着唔到,好多裙呀嗰啲着得都唔好睇,好唔方便。」

名模媽咪 支持囡囡性感

爸爸無奈接受,咁身為媽咪嘅名模馬詩慧又點睇呢?Janet話好放心:「佢性感有自己標準,一直想做Victoria’s Secret嗰種,我同Michael都好支持。」仲話唔介意女兒和男模特兒影相時有親密接觸,因為呢啲係專業,佢嘅尺度係最緊要靚,唔好猥瑣就得。真係開通媽咪啊!

 

王敏德 忍唔住抗議

王家仔女初長成,仲遺傳晒父母型男同超模最強基因,個個顏值高又身材好。尤其係24歲細女王麗嘉,更加青出於藍上圍偉大過媽媽家姐幾個cup,亦都從不吝嗇在個人社交網絡展示好身材。去年夏天,王麗嘉在IG上載美國留學生活照,坐在開篷車上由友人揸機擺出享受微風隨意pose,不過唔知係隨意過頭定身材太好買錯碼,上衣移位南半球外露,嚇到爸爸王敏德都忍唔住留言抗議:「你件上衣做乜事!」即使爸爸眼火爆有幾不滿都好,女兒一年來還變本加厲。

王敏德女
王麗嘉5呎11吋高又有34D豐滿上圍,唔理老竇王敏德多次投訴,變本加厲喺個人IG狂po性感照,愈話愈生事。

王敏德
去年囡囡第一次露半球,王敏德遙距留言「what’s up with your top」,隔住個mon都feel到老竇極之不滿。

王敏德
要求女兒收起性感次次當耳邊風,連王敏德兩公婆好友都在Irisa個人ig留言幫口教女:「除咗啲性感相,你啲po你爸爸張張都鍾意!」

 

王敏德女
晒開有條癮,其實24歲Irisa繼承父母高大基因外,上圍更比身材均勻馬詩慧更出眾,件件泳衣都好似唔啱身買細咗。

王敏德女
明知爸爸王敏德唔鍾意,Irisa自知有模特兒出身媽媽撐腰,長期在IG晒身材鬥性感,靚相十張有七、八張都係露南半球,仲要低抄露波底。

 

王敏德女
自細耳濡目染接觸模特兒圈、少女時代又跟住媽媽入行立志做模特兒,Irisa尺度愈嚟愈大馬詩慧照撐:「唔通等(衰老)跌到落肚先嚟騷咩?」

王敏德女
其實王敏德絕對算開明老竇,曾經支持出櫃讚大女勇敢,不過性感細女、仲有愛玩三仔都令他冇晒符:「個仔帶女仔嚟見我話唔係女朋友,但係又話會同佢拖手、接吻,搞到我好混亂。」

王敏德
去年Irisa滿24歲,王敏德連日上載囡囡幼兒時可愛照片祝生日快樂,潛台詞明顯係感慨女大女世界,回不去了。

王敏德
王敏德在《飛虎之潛行極戰》繼續型爆登場,鏡頭前硬淨的他,對住兩個女卻無力招架。

精叻老婆唔做醜人

史上最型飛虎王敏德對細女豪放作風亦自認old school睇唔慣,又話要等囡囡從美國回港放暑假時就性感議題開家庭會議。老竇護女心切,遙距留言、電召回港不果,亦求救老婆馬詩慧出面管教,可惜一代模媽Janet接受能力高過一般媽媽多多聲:「老公表面係鬼佬,內裡係傳統中國人,好保守。有時會同我呻啲女太性感,叫我去話啲女,有咩就賴我,佢好精,自己唔出聲就等我做醜人。我覺得露得靚係一回事,有啲猥瑣,露得唔靚我 會第一時間叫佢唔好影,我都曾經講過唔趁依家騷,等到跌到落肚先嚟騷咩?」明顯只得王敏德孤軍作戰,反對無效。

王敏德女
日前Irisa在波士頓大學畢業,馬詩慧與大女飛去觀禮,披上畢業袍的Irisa表面密實,裡面是一件黃色閃片晚裝,側漏全脂奶。

王敏德女

王敏德女
Irisa性感相不少由男友揸機,床邊、早餐桌和健身室都見二人形影不離疑似同居,王敏德表示見過三個仔女另一半,還試過八個人一齊訂枱食飯。

王敏德女
Irisa與外籍男友拍拖多年,媽媽Janet亦對之讚口不絕:「個男仔好乖,對女兒有正面影響,會鞭策佢做到最好,佢哋一齊Irisa成績都好咗。」

 

王敏德細女大騷身材

當年,王敏德兩位活潑可愛嘅女,今天已經長大成人,其中細女王麗嘉身形高佻之餘,身材亦非常豐滿,又鍾意喺社交網站上大晒火熱性感相!

 

Irisa遺傳到父母嘅優良基因,身材好到更可以話係超越常人!佢仲鍾意喺IG分享自己的生活照,見到佢平日衣著打扮都十分之索!

男友視角床照任人睇

Irisa嘅生活照上,仲夾雜咗唔少大尺度嘅相,當中就有只著住內衣嘅床照,有時啲相仲要係出自男友視角!

火辣泳衣放題

難得有一副好身材嘅Irisa就一於唔浪費自己天生嘅好body,一到炎熱嘅天氣就緊係要著番套比基尼、泳衣之類,再影番幾張相,睇住佢嘅惹火身材,真係令氣溫再升多幾度!

王敏德細女影相無限尺度

除咗泳衣相夠哂火辣之外,Irisa仲有時會不經意咗露半球,仲試過半裸上身!

其實,Irisa一身小麥色肌膚,望落啲相都係帶住健康性感美!

雖然老竇就擔心個女衣著太性感會被人睇蝕,但其實啲相都感覺正面,同埋個女都大,有自己諗法,想著咩衫,老竇都未必理到咁多嘅~

 

 

https://www.orientalsunday.hk/category/最新娛聞/

訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱