回顧64歲金燕玲後生年輕相 葫蘆身形玲瓏浮凸!

0 20
播完冇耐嘅無綫劇集《荷理活有個大老千》幾位老戲骨鬥戲精彩百出,當中四奪香港電影金像獎同兩奪金馬獎「 最佳女配角 」嘅金燕玲,同影帝鄭則仕嘅互動以及跟王子涵的母女戲感動人心,今次搵嚟佢年輕時嘅靚相,身材出眾令人惹遐想。

撰文:東方新地|圖片:東方新地

回顧64歲金燕玲後生年輕相

|73年 拍港片成名

73年夜總會歌星金燕由台灣嚟香港發展,接拍呂奇自導自演電影《 女人面面觀 》,雖然冇露點,但情慾戲演得風騷入骨,艷光四射,令佢一片成名。

金燕玲 金燕玲

|74年 18歲眼大對

18歲嘅金燕玲擁有一雙大眼睛,畀 人感覺好鬼精靈,加上成熟嘅髮型,比真實年齡成熟。

|74年 床上惹遐想

金燕玲著上短褲仔露出一對雪白玉腿, 側身瞓喺床上,誘惑嘅眼神令人想入非非充滿遐想。

|74年 跌帶引死人

《女人面面觀》成名後金燕玲不斷接演風月艷情電影,且愈剝愈多,呢次著紅色吊帶one piece裙展現葫蘆身形,加埋跌帶引死一眾男士。

|74年 露點戰何B

74年金燕玲喺電影 《 水為財 》豁出去大膽露點色誘「金牌司儀」何守 信,片中兩人床戰連場,睇到鼻血直標。

|75年 夏日俏女郎

一張罕見嘅金燕玲靚靚相,當年未滿21歲風情萬種嘅佢,戴沙 灘帽加上回眸嘅眼神,又有另一番韻味,展現性感以外逼人女人味。

|86年 青霞初合作

金燕玲同「 亞洲第一美人 」林青霞除咗同樣由台 灣嚟香港發展,原來年齡亦係一樣,但呢兩對無所不 談嘅好朋友,直到86年先至首次合作,拍周潤發主演 嘅港產電影《 夢中人 》,碰面時自然傾到唔停口。

|86年 夥拍葉德嫻

好戲之人金燕玲同葉德嫻第一次合作係82年嘅電 影《 拍拖更 》,當年離婚冇耐重投影壇嘅金燕玲只得 兩日戲,86年電影《 老娘夠騷 》第三次合作時就演一 對好姊妹,仲一齊影宣傳靚相㖭。

六奪最佳女配角

86年《地下情》

金燕玲片中係第三者,同花心男梁朝偉 有激吻床戲,突出嘅演出勇奪第六屆香 港電影金像獎「最佳女配角」,贏得首個 電影獎座。

87年 《人民英雄》

金燕玲演通緝犯狄龍嘅獄中女友,狄龍挾持人質 要求警方釋放佢,但金燕玲居然拒絕,壓軸爆炸 性嘅演出令佢蟬聯香港金像獎「最佳女配角」。

94年 《獨立時代》

呢套台灣電影中金燕玲演男主角王維明嘅二姨 媽,對姨甥仔懇切耐心關懷,戲份唔多但動 人,為佢贏得第三十一屆金馬獎「最佳女配角」。

16年 《踏血尋梅》

金燕玲片中演女主角春夏嘅新移民媽咪,憑收放自如情緒對比強烈嘅演出,奪第 三十五屆香港電影金像獎「最 佳女配角」,可謂實至名歸。

17年《一念無明》

喺呢套低成本電影,金燕玲飾演 長期病患嘅躁鬱症病人,將嗰份 焦慮不安同瘋狂演得淋漓盡 致,難怪連奪香港電影金像獎同 金馬獎「最佳女配角」。

同場加映:

重溫60歲湯鎮業早年後生靚仔相

|82年 演段譽成名

湯鎮業79年藝訓班畢業, 82年就喺《 天龍八部之六脈神 劍、虛竹傳奇 》擔演男主角之 一段譽,外表英俊瀟灑、風流 倜儻,脂粉味中帶貴氣書卷氣 質,同金庸筆下嘅段譽氣質相近,湯哥亦憑呢套劇成名。

|82年 反派停不了

湯鎮業喺82年無綫劇集 《 香城浪子 》演富家公子應子 輝,為人心胸狹窄、高貴又陰 毒,劇中成日欺負梁朝偉,同 黃日華由頭鬥到尾,自此好多 監製都搵佢做反派奸角,展開亦忠亦奸演藝生涯。

|82年 撻著翁美玲

82年湯鎮業喺清裝劇《 十三妹 》演正直多情但怕事嘅男主角安公子,首次同初拍劇嘅翁美玲合作,劇中雖非演 情侶,但現實中兩人卻擦出愛火花成為情侶。

|83年 至靚仔文青

湯鎮業呢個大學生文青 look,靚 仔之餘充滿書卷味。

|83年 公子大豪客

83年9月無綫官方刊物 搵嚟擅演公子哥兒嘅湯鎮業,喺酒店影相同專訪,相中嘅湯哥金絲眼鏡加踢死兔西裝,成個多情公子大豪客咁,驟眼睇激似曹查理。

|84年 做厭大奸角

湯鎮業呢張大頭相,盡顯佢最靚仔一面,但喺無綫卻經常做反派,正派角色少,年年 劇劇角色都係差唔多,終令湯 哥感厭倦。

|84年 情侶晒恩愛

湯鎮業同翁美玲呢對愛侶84年接受無綫官方刊物訪問,輯靚相當中以呢張用花砌咗個心形圖案嘅相愛意最濃,畀人感受到嗰份 沐浴喺愛河之中嘅甜甜蜜蜜。

|84年 罕貌打泰拳

一張湯鎮業罕見 man 爆圖片,手戴拳套頭戴泰拳式頭箍,成 面成身汗水,加上戰鬥表情同架式,兇悍程度拍得住 Tony Jaa。

|85年 情侶劇告吹

84年尾湯鎮業同翁美玲瀕臨分手,85年初無綫安排兩人喺新劇《 橋王之王 》首次合演情侶並出席造型宣傳活動,惜同年5月14日翁美玲自殺身亡,無綫改由張曼玉、關禮傑代替兩人演出並改劇名《 拆檔拍檔 》。


|86年 離TVB赴台

86年湯鎮業喺劇集《林沖》終於做正派演第二男主角 ——重情義有勇有謀嘅燕青, 但翁美玲自殺矛頭指向佢,事業開始走下坡, 拍完呢套劇就離開無綫轉到台灣發展。

|91年 五虎再聚首

91年 曾志偉執導電影 《五虎將之決裂》,「無綫五虎將」繼85年《楊家將》再度合體,湯鎮業演黑幫大反 派,憑囂張跋扈張狂演出, 獲香港電影金像獎同台灣金馬獎「最佳男配角」提名。

 

延伸閱讀:

湯鎮業高顏值仔女進軍娛圈

依家61歲嘅湯鎮業當年與黃日華、苗僑偉、劉德華、梁朝偉有「無綫五虎將」稱號,紅透80年代半邊天!1982年,湯鎮業更憑《香城浪子》一劇走紅,而《天龍八部》英俊瀟灑嘅「段譽」更令當時唔少少女為之迷戀!

湯鎮業
無綫五虎將

湯鎮業

湯鎮業於1993年與中日混血兒姜坤結婚,育有一女及一對雙胞胎兒子。2000年,一位前度女友為湯鎮業誕下一子湯君隆,湯鎮業亦與姜坤於2001年離婚。2008年再與內地女子鄒文靜於結婚,同年9月生下一對雙胞胎女兒,故湯鎮業一共育有6名子女!

 

|湯愛嘉

湯鎮業同第一任老婆生嘅大女湯愛嘉依家25歲,外貌非常甜美!

湯愛嘉IG圖片

 

畢業於UCLA美國加州大學洛杉磯分校傳理系嘅湯愛嘉,絕對係有樣貌有學識,並以模特兒身份宣布加入娛樂圏!

湯愛嘉IG圖片

|湯君慈、湯君耀

至於湯鎮業同前妻姜坤嘅一對雙胞胎兒子湯君慈(Bruce)、湯君耀(Chris)話咁快依家都已經23歲,而且仲同湯鎮業後生時一樣咁靚仔!

據知,呢對孖仔上年喺美國加州大學洛杉機分校(UCLA)畢業之後,即刻同甄子丹嘅公司簽約,正式加入娛樂圈!

之後仲參加咗校園主題電影《大師兄》嘅拍攝,最近就做緊模特兒工作,兩個都咁高大靚仔,星途應該一遍光明!

|湯甜甜、湯圓圓

而湯鎮業同現任妻子鄒文靜嘅一對孖女湯甜甜、湯圓圓年紀仲細,依家都只係10歲,不過喺相就睇到一對孖女勁精靈活潑!

家族專出型男靚女

|湯洛雯

除咗湯鎮業嘅親生仔女,就連佢嘅親戚都係型男索女!講緊嘅就係2012年參選香港小姐獲得「旅遊大使獎」及「美麗昇華大使獎」兩個獎項、湯鎮業嘅親姪女湯洛雯!

湯洛雯憑處境劇集《愛·回家》飾演「李思思」一角成功入屋,深得觀眾喜愛,加上標緻嘅面貌,大家都叫佢做「靚湯」!

|湯樂瑤

另外,靚湯個妹湯樂瑤雖然唔係藝人,但同樣吸睛,耐唔耐就喺IG大派福利晒泳照!

加上,湯樂瑤有姐姐靚湯嘅光環,令佢好快被起底兼成網路紅人,不過順帶一提就係湯樂瑤已經名花有主啦!

訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱