【結婚15周年】林文龍送花冧郭可盈 囡囡心意卡溫馨提示父母:Enjoy your xxx……

0 17
藝人林文龍同郭可盈一直都係圈內嘅恩愛夫妻,2010年更誕下愛情結晶品囡囡林天若。呢日,佢哋兩公婆為慶祝結婚15周年,被老婆喻為「不懂浪漫」嘅林文龍竟然做出一個舉動令郭可盈大為感動,唔少網民仲大讚文龍好Sweet添!

撰文:Kammy(原文刊於:SundayKiss)|圖片來源:Instagram、微博

林文龍郭可盈 慶祝水晶婚

藝人林文龍同郭可盈於1995年拍攝《萬里長情》時結情緣,二人於2004年結為夫妻,2010年誕下囡囡林天若,一家三口樂也融融。二人至今已經結婚15年,為慶祝水晶婚,林文龍送上一大束花畀太太,囡囡天若亦送上一張親手畫嘅卡,真係好Sweet呀!

林文龍

送花又送卡

雖然可盈形容文龍係「不懂浪漫的男人」,但其實文龍除咗花之外仲送埋賀卡,更寫住「Dear my love」;而囡囡都唔弱,喺卡上寫住「Love is Forever! Happy 15 Anniversary! I wish you will be happy always and of course love each other forever. God bless you.」老公同囡囡嘅舉動咁Sweet,可盈一定好開心啦!

林文龍
郭可盈形容老公林文龍為「不懂浪漫的男人」

林文龍
囡囡仲有溫馨提示畀佢哋:「Enjoy your day with your lover」

郭可盈除咗放上社交網站放閃外,更影咗3隻公仔頭點頭嚟形容佢哋一家三口,真係好貼切!佢仲喺網上留言:「一個『不懂浪漫的男人』今天令我倍感浪漫!謝謝女兒為我們送上的暖暖的祝福!15th Wedding Anniversary」,真係幸福滿瀉呀!

林文龍

感情經得起風浪

雖然林文龍同郭可盈一直都係圈內嘅恩愛夫妻,但其實幸福背後,佢哋呢段婚姻一啲都唔容易。郭可盈屋企做塑膠廠起家,加上當年事業一直喺老公之上,一直被視為「女尊男卑」,不被外界睇好。而林文龍09年被爆偷食內地女星董維嘉,之後兩公婆一齊開記招,郭可盈力撐老公,同年仲宣布有埋BB。

 

林文龍早年更靠《不懂撒嬌的女人》以型佬look冧師奶,人氣回升,喺社交網站貼相放閃,大哂同老婆囡囡林天若靚樣,羨煞旁人。

郭可盈林文龍 為愛女大灑金錢慶生

郭可盈及林文龍嘅女兒津津早前九歲生日,一向視女兒為掌上明珠嘅可盈同文龍除了一家三口到大阪旅行,更為愛女津津大搞生日派對,以囡囡喜愛的卡通人物L.O.L. Surprise作為主題,邀請成班親朋好友及囡囡的同學們一同慶祝,可盈更於微博上大曬當日嘅熱鬧景況。只見津津着上粉紅色的紗裙,化身成可愛的小公主,可盈及文龍更同愛女一齊切蛋糕,仲齊齊向佢獻吻影相,真係幸福滿瀉!好冧呀!

可盈及文龍一齊錫住囡囡住蛋糕

有家長見到津津的生日佈置後,都認為他們生日會花了不少錢,可盈也回應指單是L.O.L. Surprise的玩具已經不便宜,今次更以此作布置,絕對價值不菲。

生日派對也邀請了他們的親朋好友

當然少不了津津的朋友同學!

郭可盈於微博上大曬當日嘅熱鬧情況

其實,在囡囡生日前一日,他們一家三口就已飛到日本大阪遊玩,更暗示「next trip is… …」睇嚟陸續有來,難怪網民們都說津津十分幸福呢!

可盈一家三口也於囡囡生日前到大阪遊玩

可盈及文龍帶同津津一同到大阪旅行

在大阪已提前為津津慶生了

49歲郭可盈全家齊慶生

就快踏入50歲嘅美魔女郭可盈,之前渡過了最後一個4字頭的生日。11月28日係郭可盈49歲生日,佢喺微博分享咗多張慶生照片,似乎全家總動員為她慶祝生日,連弟媳熊黛林都帶著一對雙胞胎囡囡齊齊出席。美魔女郭可盈49歲生日,佢喺微博分享了兩張與老公林文龍和女兒津津的溫馨自拍合照,並Sweet爆留言:「我要我愛和愛我的人,每年都一起《共同渡過》!」

雖然郭可盈近年已經淡出娛樂圈,亦甚少出席活動,連弟弟郭可頌與熊黛林結婚後話題度都高過佢。不過,《刑事偵緝檔案》中的高婕,《談判專家》中的簡潔,網民對呢位TVB曾經家喻戶曉的當家花旦依然留在不少粉絲心中。而郭可盈劇中女強人的形象與她生活中的形象亦十分貼近。不少網民留言祝福「高婕」生日快樂!

現年49歲的郭可盈無論樣貌,身材都沒有太大變化,難怪一班網民紛紛大讚佢係「凍齡美魔女」!

生日蛋糕食完一個又一個!

郭可盈更晒出全家大合照除了老公林文龍同女兒津津之外,連弟弟郭可頌、弟婦熊黛林以及他們一對雙胞胎囡囡孖女Kaylor同Lyvi 都齊齊出席生日會,場面非常熱鬧!而枱面仲擺著三個蛋糕及大壽桃,仲有個巨型發光煎堆同「勁浮誇」拉糖絲超吸睛!

邊個話林文龍唔識浪漫㗎?年前情人節,林文龍與郭可盈歐遊過二人世界,更在微博上載啜嘴相,閃到爆。

郭可盈

郭可盈

郭可盈48歲正日生日,林文龍為她安排浪漫晚餐,又送上名貴的Hermès禮物,可盈上載一家三口合照,又留下生日感言:「愛人、家人、朋友們、粉絲們,謝謝您們的愛!」相當溫馨。

郭可盈

魚唔過塘唔大 無悔當初加盟HKTV

林文龍早年憑《不懂撒嬌的女人》Gordon一角再次彈起,被問到4K實景拍攝有無難處,林文龍 就話對佢影響唔係太大,之前喺HKTV拍咗兩套都係咁嘅模式,再加上佢呢個模式其實接近電影嘅製作,但對其他演員就會有影響,佢哋會好享受全實景嘅製作,如果喺廠拍,閂門唔可以咁大力,開水喉唔好咁用力,因為係搭景,有好多嘢想喺現場做好,但礙於道具唔配合,所以唔可以盡情,另外用電影嘅機、又係4K,燈光所有嘅配合程度係有別於以前。仲有休息時間,分兩隊crew拍,大家每日起碼有八至十個鐘休息,其他演員慣咗廠接外景,覺得係天大嘅恩賜。

8P0A6089X

 

九年前離開TVB, 林文龍 記得萬子哥(萬梓良)成日同佢地講:「小朋友,魚唔過塘唔大嘅!」當然好多例子,魚唔過塘都大,但喺出面睇多啲嘢見識廣啲,對每一個人嚟講都有得着。之後加盟HKTV,林文龍就話(加盟)係好新嘅挑戰同嘗試。「我覺得HKTV嘅出現,其實對香港嘅電視圈同普羅觀眾係好好嘅timing,當然最終一籃子嘅關係冇咗,但我會覺得,如果冇HKTV,可能亦冇今日《不》出現,我唔排除會出現,但我相信呢個moment應該未出現,所以我覺得係好事!」

開電影公司唔係為錢

林文龍 談及自己入行多年,一直係屬於中規中矩。「我訓練班出嚟,跑咗兩年龍套,之後好幸運有男配角做,第三年就做主角。唔開心一定有過,問題係自己點tune,比上不足比下有餘,好過我嘅人大把,在我之下嘅人又大把,如果我要喺所謂低潮鑽牛角尖,在我之下啲人係咪要跳落去死晒呢?」林文龍 依家開設左間電影公司,佢坦言,投資嘅錢預咗冇晒。「一間冇知名度嘅公司、演員冇卡士、小弟叫做有啲人認識,但都唔係電影演員,再加上題材唔商業,我能力範圍出丁點綿力去做少少嘢,但相對地能夠喺海外得到咁多獎項,亦都係bonus嘅認同,已經係贏咗。」

8P0A6062XX

「因為我係一個知足嘅人,同埋我係要質素嘅人,我唔鍾意求求其其,為錢做一啲我好唔想做嘅嘢,除非有一日我去到要為五斗米折腰,其實原本上個月有套電視劇搵我,但角色我唔係太鍾意,最終我都冇接,如果我係為錢嘅人,接咗啦,好簡單,大家都心知接一套大陸劇嘅價錢係幾多,一定比喺香港多好多。」 林文龍 回應外界批評佢唔憂做嘅指控。

老婆強勢 習慣忍讓吓

林文龍同老婆都係artist,有好多嘢都成為一個焦點。提及外間覺得太太比較強勢,林文龍 就話事實上老婆嘅性格係比較啲,但佢覺得兩個人喺埋一齊係必須要調節一下。「其實我都好,開頭我同佢一齊嘅時間直頭日日都火星撞地球,日日頂撞,撞到好攰,慢慢發覺不如我試吓忍讓吓啦,總要有一個忍讓㗎,問心講,到今日,佢性格上一定係過我,咁咪氣度啲,讓吓囉,就係因為咁,所以好多外面嘅人,包括傳媒嘅報道都會覺得個女仔好,個男仔就忍、就佢,就會將個主導位擺咗喺佢度,但對唔住,我唔會為咗呢啲嘢澄清,因為呢個係我同佢兩個人嘅相處,我唔需要同其他人交代。」

享受三人世界

林文龍 同老婆04年結婚,未生個女前,基本上日日都係二人世界,甚至乎有幾年大家係夾好晒啲時間,老婆拍劇,佢又拍,一拍完,去旅行,所以嗰幾年每一年都去兩、三次旅行,「我相信我同佢嘅二人世界時間係比一般嘅人都多,到個女出世,我哋好享受三個人嘅生活,由個女出世到今日,我哋每一次去旅行都係三個人。」

new1
甚少帶囡囡天若公開露面,15年林文龍主演的《我們停戰吧!》舉行首映禮,囡囡天若要求出席支持爸爸,一家三口難得於鏡頭前合體。

new4
囡囡出世後,旅行一定三人行。

屋企化身為嚴父

林文龍 好錫個女,但係喺屋企就化身為嚴父。「嚴嘅意思唔係惡,係我哋會百分之一萬錫佢,做所有嘢都係為佢好,但我成日都同個女講幸福唔係必然,你今日有四餸一湯都好,唔好浪費,好多人冇飯食㗎!咁多玩具,有啲太舊或者唔啱你玩,捐出去,唔好樣樣都『我要呀、我唔捨得!』人係需要感恩同知足,呢個訊息我覺得絕對要由細培養到大。」

18446658_1642796885734687_956684884398267239_n

佢就話佢同可盈係屋企個陣,個組合好得意,老婆同個女玩到好癲、好開心,但佢要鬧佢嘅時候,可以鬧到好大聲、好惡,至於 林文龍自己就唔係嘅, 林文龍 話佢從來唔鬧個女,又唔會好似可盈咁同佢玩到咁癲,所以個組合其實係有別於一般嘅父母。

囡囡有演藝潛質

有時囡囡放長假,可盈都會比自己嘅戲比囡囡睇,但係之前重播嘅《創世紀》就無比佢睇,始終太夜。 林文龍 覺得囡囡絕對有演藝潛質,好有talent。「但老實講,首先必需要讀好書先,將來嘅路,我作為爸爸一定會分析畀佢聽,事實上,成個娛樂圈係變緊,演員同傳媒嘅關係亦都係變緊,個互信亦都係變緊,以前我哋嗰代同好多記者朋友真係做到朋友,係可以出嚟食飯,屋企電話都畀埋、好交心,但今時今日已經變晒質。」

Lam
跟郭可盈結婚多年,極享受現階段與女兒三人家庭樂生活。

後悔遲生 無打算追多個

被問到有無打算追多個小朋友,林文龍 就話後悔太遲生,「如果我早啲生,我相信應該會有第二、第三個,因為我其實係好鍾意小朋友嘅人,但係因為我太上心嘅關係,我確實未必騰到咁多精力、時間去照顧佢。依家個社會好多新嘅病毒,我記得好幾年前,個囡病,突然高燒、退燒、又高燒,我嗰時拍緊嘢,凌晨兩、三點先收工,第朝要開六點,我返到屋企係冇瞓過覺,一路幫佢探熱,攞濕毛巾抹臉、風扇吹佢,其實個體力透支係好大,畢竟我唔係廿幾、三十歲,唔係我捱唔到,但我唔可以因為我個囡病,而影響到我第二日嘅精神狀態,咁係對我份工作唔fair,所以我寧願將我剩低落嚟嘅時間、focus擺晒喺我個囡度。」

{"IPTC-DATA":"NMG","data":{"photoID":2349363}}
林文龍 指囡囡何止是上世情人,而是千世情人。

new3

無夜生活 唔煙少酒

林文龍嘅外表Keep 得非常好。佢就話自己其實無咩點Keep,「首先我係冇夜生活嘅人,煙我從來唔掂,酒我係應酬先飲,平時唔會飲,你從來唔會見到我喺夜場出現,我唔使開工嘅時間就做運動,咩運動我都啱,同埋我係好鍾意飲水嘅人,我嘅生活就係咁。」

8P0A6076X
林文龍 指「我以前唔化妝㖭,拍古裝都唔化,《皆大歡喜》咪冇化妝,係依家啲後生過我嘅愈化愈厚,我先係咁易化啲啲!」
訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱