最暢銷的產品

【男女】調查發現疫情影響性慾 次數全面下降

0 22

文:MenClub 魏文青  
POSTED ON 20 Aug 2020

夏日炎炎,正常黎講就係大家性慾特別高漲嘅季節,今年因為痠情影響,大家有更多時間留喺屋企嘅,你係咪會以為同居嘅有更多時間親熱、單身嘅都多咗時間「左青龍右滑鼠」呢?但根據著名性學家Dr. Lehmiller嘅調查,情況就啱啱相反,原來疫情唔單止影響大家嘅日常生活,更加影響大家嘅性生活。

Dr.Lehmiller於個人網站上指,往年每到夏天,大家都會有更多性行為,但今年夏天嘅數據就不升反跌。一方面當然係因為疫情影響,大家要保持社交距離、夜店酒吧停業、又冇得出外旅遊,令到大家更能搵到「休閒性行為 (Casual Sex)」。但即使係有穩定伴侶嘅人,佢哋嘅性行為次數都有所下跌。例如年頭佢哋做咗個調查,發現有49%受訪者每星期能夠有一次性行為,但到美國隔離期間,數字跌到39%,就算到5、6月隔離令撤除,數字冇升仲繼續跌到36%。

而且唔單止係普通性行為,就連自己幫自己、伴侶幫自己、用口、走後門等一系列性行為嘅次數都全面下跌。換言之唔係因為要保持社交距離、唔係因為要隔離,而係因為大家嘅性慾比起平時要更低。

Dr.Lehmiller指,固中原因好可能係因為疫情而產生嘅擔憂、不安及壓力,令大家缺乏進行性行為嘅心情,特別係本身就對自己身體有較低自信,及較為抗拒親密接觸嘅人。所以即使時間多咗、禁令解除,只要疫情威脅仍在,即使夏天來臨都冇辦法提升大眾嘅性慾。

資料來源:lehmiller.com

https://menclub.hk/girls/24545

訂閱我們的新聞
在此處註冊以獲取最新消息,更新和特別優惠直接發送到您的收件箱。
您可以隨時取消訂閱